Aktualitet

Goditi me dru në kokë për motive të dobëta 64-vjeçarin, arrestohet 62-vjeçari në Maliq

I plagosuri ndodhet në spitalin e Korçës nën kujdesin e mjekëve jashtë rrezikut për jetën. 

9 Mars 2024, 10:45 Nga S.B
Goditi me dru në kokë për motive të dobëta
foto ilustruese

MALIQ- Arrestohet 62-vjeçari me inicialet E.L në Maliq, për veprën penale të plagosjes me dashje. Mësohet se 62-vjeçari ka goditur 64-vjeçarin me inicialet R.R, me dru në kokë për motive të dobëta. I plagosuri ndodhet në spitalin e Korçës nën kujdesin e mjekëve jashtë rrezikut për jetën. 

Njoftimi i policisë:

Specialistët për Hetimin e Krimeve të Komisariatit të Policisë Maliq arrestuan në flagrancë shtetasin E. L., 62 vjeç, banues në fshatin Pojan, Maliq, pasi dje në fshatin Pojan, për motive të dobëta dyshohet se ka goditur me mjet të fortë (dru) në kokë, shtetasin R. R., 64 vjeç, banues në Maliq, i cili ndodhet në spitalin e Korçës, në kujdesin e mjekëve.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprën penale "Plagosja e rëndë me dashje".

maliq plagosje

Sondazh

Poll

MË SHUMË