Bota

Biblioteka sekrete e katedrales së Shën Palit hap dyert për publikun/ Një natë e veçantë për vetëm 8 euro

Biblioteka përmban një koleksion prej më shumë se 22,000 librash.

7 Mars 2024, 20:13 Nga S.B
Biblioteka sekrete e katedrales së Shën Palit hap dyert për
foto nga biblioteka

LONDËR- Monumenti historik i Katedrales së Shën Palit në Londër është duke vënë në dispozicion një bibliotekë të fshehur sekrete për një qëndrim brenda natës, me një kosto prej vetëm 8 euro. Dy të ftuar do të mund të qëndrojnë në dhomën e fshehur, gjatë natës më 15 mars.

Kjo do të jetë hera e parë që dikush ka fjetur zyrtarisht brenda katedrales që nga Lufta e Dytë Botërore, kur vullnetarët qëndruan për të shuar zjarret gjatë bombardimeve. Biblioteka përmban një koleksion prej më shumë se 22,000 librash.

Biblioteka sekrete e katedrales së Shën Palit hap dyert për
foto nga biblioteka

Gjatë qëndrimit të vetëm, dy të ftuarit do të hyjnë në katedrale nga dera e Dekanit dhe do të ngjiten në shkallët spirale, të projektuara nga arkitekti anglez Sir Christopher Wren më shumë se 300 vjet më parë. Ata gjithashtu do të mirëpriten në vend nga Dekani dhe do të bëjnë xhiro në Katedralen historike, duke përfshirë një ngjitje në kupolën e saj të famshme.

Sandra Lynes Timbrell, drejtoresha e angazhimit të vizitorëve në St Paul's, tha: Biblioteka e restauruar së fundmi është një perlë sekrete e katedrales, e fshehur me zgjuarsi nga arkitektura e zgjuar e Sir Christopher Wren.

"Disa të ftuar shumë me fat tani do të kenë mundësinë të gërmojnë më thellë në historinë dhe mrekullinë e St Paul's me këtë qëndrim vërtet të veçantë." shtoi ajo.

Qëndrimi, i cili thuhet se përfshin darkën dhe mëngjesin, do të jetë i disponueshëm për tu rezervuar përmes Airbnb nga data 12 mars.

librari angli

Sondazh

Poll

MË SHUMË