Bota

Si arriti në Moskë biseda mes ushtarëve gjermanë për Kievin? Ministri i mbrojtjes së Gjermanisë: Oficeri bisedoi nga një linjë e pasigurt

Siç deklaroi ministri i Mbrojtjes, ka qenë një gabim, një gabim i rëndë dhe tashmë ka nisur procesi i hetimit disiplinor ndaj oficerit në fjalë. Asnjë spiun rus nuk është përfshirë në bisedë, sqaroi  ministri. Ai pohoi gjithashtu se pasojat e gabimit ishin të menaxhueshme, ndërsa theksoi se ai nuk dëshironte të minimizonte incidentin.

5 Mars 2024, 15:42 Nga S.N
Si arriti në Moskë biseda mes ushtarëve gjermanë për
Foto Ilustrim

GJERMANI- Ministri gjerman i Mbrojtjes Boris Pistorius bëri zbulime se si biseda mes ushtarëve gjermanë arriti në Moskë. Pistorius siguroi se sistemet e tyre të komunikimit nuk ishin shkelur duke iu referuar përgjimeve ruse të oficerëve gjermanë dhe ia atribuoi rrjedhjen "gabimit individual të aplikimit" nga një prej pjesëmarrësve në bisedë, i cili tha se nuk përputhej me rregulloret e lidhjes së sigurt.

“Jo të gjithë pjesëmarrësit e ndoqën procedurën e telefonatës së sigurt”, tha zoti Pistorius, duke shtuar se, “sipas informacionit të deritanishëm, rrjedhja e të dhënave u bë e mundur nga oficeri që lidhej me Webex nga një hotel në Singapor, nga një linjë e pasigurt”, sipas gazetës BILD, është oficeri Frank Grefe, i cili po vizitonte “Singapore Airshow”.

Siç deklaroi ministri i Mbrojtjes, ka qenë një gabim, një gabim i rëndë dhe tashmë ka nisur procesi i hetimit disiplinor ndaj oficerit në fjalë. Asnjë spiun rus nuk është përfshirë në bisedë, sqaroi  ministri. Ai pohoi gjithashtu se pasojat e gabimit ishin të menaxhueshme, ndërsa theksoi se ai nuk dëshironte të minimizonte incidentin.

I pyetur nëse partnerët e Gjermanisë po shprehnin mosbesim apo bezdi për incidentin, Boris Pistorius tha se në komunikimet e tij të deritanishme nuk kishte vërejtur asnjë acarim dhe shprehu besimin se besimi i partnerëve dhe aleatëve në Gjermani mbetet. Ai gjithashtu theksoi vazhdimisht se do të bëhen të gjitha përpjekjet e mundshme për të parandaluar që kjo të përsëritet dhe, duke iu referuar Moskës, tha se vazhdimisht po bën përpjekje për të dëmtuar kohezionin e shoqërisë gjermane dhe asaj evropiane.

bisedat e ushtareve gjermane moska kievi

Sondazh

Poll

MË SHUMË