Bota

Erdogan: Në verë do të mbyllim kufirin tonë me Irakun, nuk gjunjëzohemi para një shteti terrorist

Konkretisht, pas mbledhjes së kabinetit, presidenti turk tha: Ne jemi gati të mbyllim kordonin që do të sigurojë kufirin tonë me Irakun. Dashtë Zoti, ne do ta kemi zgjidhur përfundimisht çështjen në kufirin tonë me Irakun këtë verë. Ne i bëjmë thirrje të gjithëve në zonë të respektojnë strategjinë tonë të sigurisë, të cilën ua kemi përshkruar qartë. Përndryshe, ata vetë do të jenë shkaku i tensioneve që do të lindin.

4 Mars 2024, 19:14 Nga S.N

Erdogan: Në verë do të mbyllim kufirin tonë me Irakun, nuk

Recep Tayyip Erdogan

TURQI- Turqia do të shtrëngojë kordonin rreth kryengritësve të organizatës kurde PKK në Irak dhe problemi do të zgjidhet përfundimisht këtë verë, bëri të qartë Recep Tayyip Erdogan. Kjo ishte një deklaratë e interpretuar si një paralajmërim i përshkallëzimit të operacioneve ushtarake.

Ai tha gjithashtu se vendi i tij po bën përgatitje për ata që besojnë se Turqia do të gjunjëzohet nga një shtet terrorist përgjatë kufirit të tij jugor.

Duke iu referuar luftës në Gaza Erdogan tha se ndërtesa e parë e një vendbanimi hebre do të mjaftonte në vetvete për të treguar se shkaku i kësaj mizorie nuk është asgjë tjetër, por vetëm vjedhja, imoraliteti dhe çnderimi.

Në të njëjtën kohë, ai iu referua edhe industrisë turke të mbrojtjes, duke thënë se Turqia është në 3 vendet e para të eksportit në botë në teknologjinë e dronëve të armatosur dhe në krye të eksporteve të tyre. Vetëm vitin e kaluar, eksportet e dronëve arritën në 1.8 miliardë dollarë, tha presidenti turk.

turqi iran