Sport

VIDEO / Bilbao kalon në finale e Kupës së Mbretit për herë të 40-të, ikën Altetico!

Atletico Madrid i Simeones heq dorë nga një tjetër trofe sezonal, pas kampionatit, teksa ka mbetur në garë vetëm në Champions League, ku do t’i duhet të përmbysë humbjen 1-0 ndaj Interit për të vijuar më tej.

1 Mars 2024, 00:34 Nga DOSJA
VIDEO / Bilbao kalon në finale e Kupës së Mbretit për

SPANJE - Athletic Bilbao kalon në finalen e Kupës së Mbretit. Baskët e drejtuar nga Ernesto Valverde triumfuan edhe në “San Mames” me rezultatin e pastër 3-0 ndaj Atleticos së Madridit, pas suksesit minimal 1-0 në ndeshjen e parë dhe u kualifikuan në finale, ku do të diskutojnë trofeun me Mallorcën e Vedat Muriqit.

Vëllezërit Williams ishin protagonistë absolutë të ndeshjes, duke mbyllur llogaritë e ndeshjes me nga një gol e një asist secili. Simeone provoi të shkundë madrilenët, por pa rezultat, pasi Bilbao gjeti edhe golin e tretë me anë të Guruzetas dhe vulosi përfundimisht kualifikimin.

Baskët konfirmohen kështu një ndër skuadrat eksperte të Kupës së Mbretit, pasi finalja e Sevillas do të jetë e 40-ta për ta në histori, teksa në 39 të parat kanë fituar 23 herë dhe kanë humbur 16 të tjerat. Misioni i radhës i Bilbaos është të ngrejë lart Kupën që mungon prej 1984-ës, pasi 6 finalet e fundit radhazi kanë dështuar.

Nga ana tjetër Atletico e Simeones heq dorë nga një tjetër trofe sezonal, pas kampionatit, teksa ka mbetur në garë vetëm në Champions League, ku do t’i duhet të përmbysë humbjen 1-0 ndaj Interit për të vijuar më tej.

B.T (Dosja.al)

Sondazh

Poll

MË SHUMË