Bota

Aborti i grave në Francë do të jetë e drejtë kushtetuese/ Senati francez miraton projekt-ligjin

Projektligji tani do të dalë para ligjvënësve në një seancë të përbashkët në Parlamentin francez dhe pritet të miratohet nga shumica javën e ardhshme. Presidenti i Francës Emmanuel Macron, tha pas votimit se Qeveria e tij është e përkushtuar ta bëjë ta pakthyeshme të drejtën e grave për të abortuar duke e mishëruar atë në Kushtetutë.

28 Shkurt 2024, 21:39 Nga S.N
Aborti i grave në Francë do të jetë e drejtë
Senati i Francës

FRANCË- Senati i Francës ka miratuar sot një projektligj për ta futur në Kushtetutë të drejtën e grave për të kryer abort. Vendimi i së mërkurës vjen pasi dhoma e ulët, Asambleja Kombëtare e aprovoi këtë projektligj në janar.

Projektligji tani do të dalë para ligjvënësve në një seancë të përbashkët në Parlamentin francez dhe pritet të miratohet nga shumica javën e ardhshme. Presidenti i Francës Emmanuel Macron, tha pas votimit se Qeveria e tij është e përkushtuar ta bëjë ta pakthyeshme të drejtën e grave për të abortuar duke e mishëruar atë në Kushtetutë.

Ai tha në rrjetin social X se do ta thërrasë një seancë të përbashkët të Parlamentit për votimin përfundimtar të këtij projektligji të hënën. Qeveria e Macronit dëshiron që artikulli 34 i Kushtetutës të ndryshohet për të specifikuar se ligji përcakton kushtet përmes të cilave ushtrohet liria e grave për të qenë në gjendje të kryejnë abort, e cila është e garantuar. Asnjëra prej partive të mëdha politike në Francë, të cilat përfaqësohen në Parlamenti, nuk e ka vënë në dyshim të drejtën për abort, e cila nga viti 1975 nuk cilësohet krim.

Marrë nga REL

senati i frances aborti i grave

Sondazh

Poll

MË SHUMË