Bota

U helmua apo vdiq nga kanceri? Rihapen pas 50 vitesh hetimet për vdekjen e fituesit të çmimit Nobel, Pablo Neruda

Neruda humbi jetën në 1973 disa ditë pas grushtit të shtetit të Augusto Pinochet. Gjykata e Apelit të Santiagos urdhëroi rihapjen e dosjes për të kryer siç duhet procedurat e kërkuara nga paditësit, të cilat mund të zbardhin vdekjen e fituesit të Nobelit.

20 Shkurt 2024, 21:40 Nga N.F

U helmua apo vdiq nga kanceri? Rihapen pas 50 vitesh hetimet për vdekjen e

Pablo Neruda

KILI- Gjysmë shekulli pas vdekjes së fituesit të çmimit, Nobel Pablo Neruda Kili ka vendosur të rihapët dosjen për të zbuluar shkaqet e vdekjes së poetit. Neruda humbi jetën në 1973 disa ditë pas grushtit të shtetit të Augusto Pinochet. Gjykata e Apelit të Santiagos urdhëroi rihapjen e dosjes për të kryer siç duhet procedurat e kërkuara nga paditësit, të cilat mund të zbardhin vdekjen e fituesit të Nobelit.

Rifillimin e hetimeve e kanë kërkuar të afërmit e poetit, mes të cilëve edhe një nga nipat e tij, si dhe Partia Komuniste, anëtar i së cilës ishte Neruda. Vendimi i Gjykatës së Apelit rrëzoi një urdhër të gjyqtares Paola Plaza për mbylljen e hetimeve për vdekjen e poetit, të cilit iu dha Çmimi Nobel për Letërsinë në vitin 1971.

Pablo Neruda vdiq më 23 shtator 1973 12 ditë pas grushtit të shtetit të tij. Rasti i vrasjes së tij u shfaq në vitin 2011, pas zbulimeve të bëra nga Manuel Araya, i cili në atë kohë ishte një anëtar i ri i Partisë Komuniste dhe punonte si ndihmës dhe udhërrëfyes i autorit. Sipas kësaj teorie, Neruda vdiq pasi mori një injeksion në prag të nisjes së tij për në Meksikë, ku synonte të mërgonte për të organizuar rezistencën ndaj regjimit të Pinochet.

Ndërkohë versioni zyrtar thoshte se poeti vdiq nga kanceri i prostatës. Në vitin 2017, ekspertët ndërkombëtarë hodhën poshtë njëzëri versionin zyrtar të regjimit diktatorial. Por ata as nuk e konfirmuan dhe as e përjashtuan mundësinë që ai të ishte helmuar qëllimisht me ndonjë toksinë apo baktere kur iu bë injeksioni i “dyshuar”.

Ndër masat e reja të urdhëruara sot nga gjykata është një "ekspertizë për të shqyrtuar dhe interpretuar rezultatet" në të cilën erdhën ekspertët kur analizuan mostrat nga trupi i poetit pasi ai u zhvarros. Një grup ekspertësh vendas dhe të huaj kishin marrë përsipër të arrinin një përfundim përfundimtar në vitin 2023.

Kështu ata analizuan rezultatet e analizave të kryera pasi Neruda u zhvarros, në prill 2013 në Isla Negra. , 120 kilometra në perëndim të Santiagos. Konkluzionet e tyre iu dorëzuan gjyqtares Paola Plasa. Dy studiuesit shpjeguan se ata morën ADN-në e Nerudës nga një dhëmb, por, për shkak të dekompozimit të trupit, ata ishin në gjendje të rindërtonin vetëm një të tretën e bakterit botulinum (clostridium botulinum). Duke folur për AFP ata thanë se ishte e mundur të kryhej rindërtimi, pa një gërmim të ri.

“Ka material të mjaftueshëm me atë që kemi në laborator. Na duhet vetëm pëlqimi i gjykatës”, thanë ata.

Gjykata e Apelit kërkoi gjithashtu një analizë të re të certifikatës së vdekjes të nënshkruar nga Dr. Vargas Salazar, ku thuhet se Neruda vdiq nga metastaza e kancerit të prostatës. Për të dëshmuar janë thirrur edhe dëshmitarë të rinj dhe një ekspert i bakterit clostridium botulinum. Sipas shifrave zyrtare rreth 3,200 njerëz u vranë gjatë diktaturës Pinochet dhe 38,000 të tjerë u torturuan.

pablo neruda nobel hetime vdekje