Bota

Ministri i Jashtëm i Italisë: Ukraina do të anëtarësohet në BE dhe NATO kur të përfundojë lufta me Rusinë

Tajani i bëri këto komente teksa merr pjesë në Konferencën e Sigurisë në Mynih.

17 Shkurt 2024, 21:58 Nga M.B
Ministri i Jashtëm i Italisë: Ukraina do të
Ministri i Jashtëm italian Antonio Tajani

MYNIH- Sipas ministrit të Jashtëm italian, Antonio Tajanit, Ukraina do të bëhet anëtare e Bashkimit Evropian dhe gjithashtu e NATO-s, por nuk mund të hyjë në aleancën ushtarake ndërsa është ende në luftë me Rusinë. Tajani i bëri këto komente teksa merr pjesë në Konferencën e Sigurisë në Mynih.

“Mesazhi për Rusinë është shumë i qartë: Ukraina do të jetë anëtare e Bashkimit Evropian dhe më pas ne po punojmë që Ukrainën të jetë anëtare e NATO-s”, tha Tajani.

Megjithatë, anëtarësimi në NATO është i pamundur ndërkohë që Ukraina mbetet e bllokuar në një konflikt ushtarak me Rusinë, shtoi ai.

“Duhet të jemi shumë të kujdesshëm, sepse të kesh një anëtar të plotë të NATO-s në luftë me Rusinë do të thotë Luftë e Tretë Botërore”, tha Tajani.

antonio tajani ukraina be

Sondazh

Poll

MË SHUMË