Sport

Lautaro Martinez, një tjetër hap në historinë e Interit...

“Rinovimi? Jemi në rrugën e duhur. Kanë mbetur edhe një vit e gjysmë nga kontrata ime”

17 Shkurt 2024, 07:30 Nga DOSJA

Lautaro Martinez, një tjetër hap në historinë e Interit...

ITALI - Me golin 2-0 të shënuar kundër Salernitana-s (i 99-ti në Serie A), Lautaro Martinez bën një hap tjetër në historinë e Interit: 125 gola gjithsej në të gjitha garat për zikaltrit, ia kalon një ish-sulmuesi tjetër si Icardi dhe tani janë i teti ndër golashënuesit më të mirë të të gjitha kohërave të Interit. 

Për më tepër, argjentinasi është lojtari i tretë në historinë e Interit, që shënon të paktën 20 gola për tre sezone radhazi në Serie A pas Giuseppe Meazza (pesë - nga 1929/30 deri në 1933/34) dhe Stefano Nyers (katër - nga 1948/49 deri në 1951/52). 

"Ne i qasemi të gjitha ndeshjeve në të njëjtën mënyrë. Ndonjëherë kemi sukses, ndonjëherë jo; por ne gjithmonë përpiqemi të bëjmë të njëjtën punë, duke u përpjekur të kapim kundërshtarë të lartë për të krijuar mundësi.

Kjo krijon mundësinë që ju të hapni rezultatin dhe të arrini fitore. Në këtë rrugëtim kemi punuar shumë për pjekurinë, tani e dalim në fushë të ndërgjegjshëm si grup dhe ekip dhe mundohemi ta demonstrojmë në çdo ndeshje”. Kështu tha Lautaro Martinez, pas ndeshjes kundër Salernitana. 

"Ne po ecim përpara me forcën e grupit, kanë ardhur lojtarë të rinj dhe të gjithë janë vënë në dispozicion për një skuadër. Po punojmë për ta çuar Interin në krye. Rinovimi? Jemi në rrugën e duhur. Kanë mbetur edhe një vit e gjysmë nga kontrata ime”, ka shtuar ai.

B.T (Dosja.al)

Sondazh

Poll

MË SHUMË