Aktualitet

Ushtroi dhunë ndaj nënës së tij, arrestohet 26-vjeçari në Korçë

Policia arrestoi 26-vjeçarin me iniciale E. Z pasi dyshohet se ushtroi dhunë ndaj nënës së tij dhe u largua nga banesa.

15 Shkurt 2024, 16:25 Nga E.d
Ushtroi dhunë ndaj nënës së tij, arrestohet
Policia

KORÇ- Arrestohet një person në Korçë dhe procedohen në gjendje të lirë 3 të tjerë për vepra të ndryshme penale. Policia arrestoi 26-vjeçarin me iniciale E. Z pasi dyshohet se ushtroi dhunë ndaj nënës së tij dhe u largua nga banesa. 

Ndërsa Prokuroria nisi procedimet për R. H., 30 vjeç, Xh. H., 26 vjeç dhe S. S., 33 vjeç, banues në Korçë.  R. H. dhe Xh.H të dy vëllezër kanë goditur me mjete të forta 33-vjeçarin dhe kanë thyer xhamat e automjetit të tij.

Njoftimi i Policisë: 

DVP Korçë/Vihet në pranga 1 shtetas dhe procedohen në gjendje të lirë 3 të tjerë, për vepra të ndryshme penale. Specialistët për Hetimin e Krimeve të Komisariatit të Policisë Korçë arrestuan në flagrancë shtetasin E. Z., 26 vjeç, banues në Korçë, pasi dyshohet se ushtroi dhunë ndaj nënës së tij dhe u largua nga banesa. Pas ndjekjes nga shërbimet e Forcës së Posaçme “Shqiponja”, 26-vjeçari u kap dhe u ndalua.

-Në vijim të informacionit të dhënë ditën e djeshme, për një konflikt në lagjen nr. 8, Korçë, gjatë të cilit u dëmtua me mjete të forta një shtetas, ju informojmë se specialistët për Hetimin e Krimeve referuan materialet në Prokurori ku filloi procedimi në gjendje të lirë për shtetasit R. H., 30 vjeç, Xh. H., 26 vjeç dhe S. S., 33 vjeç, banues në Korçë. Nga veprimet hetimore të kryera rezultoi se shtetasi S. S. ka shkuar në banesën e shtetasit Xh. H. dhe e ka goditur atë në parakrah, me mjet prerës. Më pas, shtetasit R. H. dhe Xh. H. (vëllezër) kanë goditur me mjete të forta 33-vjeçarin dhe kanë thyer xhamat e automjetit të tij. Shtetasi S. S. ndodhet në spitalin e Korçës, aktualisht jashtë rrezikut për jetën.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

policia e korçës

Sondazh

Poll

MË SHUMË