Aktualitet

EMRAT/ Kthyen lokalet në ambiente për vënie bastesh, arrestohen 2 persona në Fier

Mësohet se ata u kapën në flagrancë në 2 lokalet në pronësi të tyre të cilat i kishin përshtatur për organizim të kundërligjshëm të lojërave të fatit, baste sportive me celularë dhe njesi kompjuterike.

15 Shkurt 2024, 13:33 Nga M.B
EMRAT/ Kthyen lokalet në ambiente për vënie bastesh, arrestohen 2
Foto ilustruese

FIER- Flavjo Lakrori dhe Juljan Zhavari janë arrestuar në Fier pasi akuzohen si të përfshirë në veprimtarinë e lojërave të fatit. Mësohet se ata u kapën në flagrancë në 2 lokalet në pronësi të tyre të cilat i kishin përshtatur për organizim të kundërligjshëm të lojërave të fatit, baste sportive me celularë dhe njesi kompjuterike. 

Nga të dyja ambientet u sekuestruan në cilësinë e provës materiale, 8 njesi kompjuterike (lap top dhe iPad), 2 celularë dhe 1 televizor.

Njoftimi:

Vijon megaoperacioni “Sundimi i ligjit”, kundër organizimit të kundërligjshëm të lojërave të fatit. Kishin vënë në dispozicion lokalet e tyre, në lagjen “Konferenca e Pezës”, për vënie bastesh sportive, me pajisje kompjuterike dhe me celularë, arrestohen në flagrancë 2 shtetas. Sekuestrohen 8 njesi kompjuterike, 2 celularë dhe 1 televizor. Si rezultat i kontrolleve në lokale ku dyshohet se organizohen dhe luhen lojëra fati, në kundërshtim me ligjin, specialistët për Hetimin e Krimeve Ekonomiko-Financiare, në bashkëpunim me specialistët për Hetimin e Krimeve Kompjuterike, goditën 2 raste të tjera të kësaj veprimtarie. Në kuadër të megaoperacionit “Sundimi i ligjit”, për këto raste u vunë në pranga shtetasit F. L., 26 vjeç dhe J. Zh., 22 vjeç, të dy banues në Fier.

Ata u kapën në flagrancë në 2 lokalet në pronësi të tyre, në lagjen “Konferenca e Pezës”, të cilat i kishin përshtatur për organizim të kundërligjshëm të lojërave të fatit (baste sportive me celularë dhe njesi kompjuterike). Nga të dyja ambientet u sekuestruan në cilësinë e provës materiale, 8 njesi kompjuterike (lap top dhe iPad), 2 celularë dhe 1 televizor. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

fier lojra fati

Sondazh

Poll

MË SHUMË