Bota

Raporti i OKB-së: Refugjatët e kthyer në Siri, viktima të torturës dhe dhunës seksuale

Raporti, i përpiluar nga zyra e OKB-së për të drejtat e njeriut, paraqet një pamje veçanërisht të zymtë të situatës me të cilën përballen refugjatët pasi të kthehen në Siri. 

13 Shkurt 2024, 13:48 Nga E.d
Raporti i OKB-së: Refugjatët e kthyer në Siri, viktima të
Emigrante

SIRI- Refugjatët sirianë që kthehen në vendin e tyre shpesh përballen me shkelje të rënda të të drejtave të tyre atje, kryesisht viktima të torturës dhe dhunës seksuale. Raporti, i përpiluar nga zyra e OKB-së për të drejtat e njeriut, paraqet një pamje veçanërisht të zymtë të situatës me të cilën përballen refugjatët pasi të kthehen në Siri. 

Ky raport paraqet një pamje shqetësuese të gjendjes së këtyre të kthyerve, kryesisht femra, në një kontekst të rritjes së dëbimeve të sirianëve që janë strehuar në vende të treta. Në një deklaratë Komisioneri i Lartë i OKB-së për të Drejtat e Njeriut Volker Turk ka deklaruar se situata e tyre ngre pyetje të shumta për angazhimin e vende që refugjatët kërkojnë ndihmë.

"Situata e këtyre të kthyerve ngre pyetje serioze në lidhje me angazhimin e vendeve ndaj procesit të duhur dhe moskthimit, një referencë për ndalimin e dërgimit të emigrantëve në një vend ku ata rrezikojnë torturën ose trajtimin mizor dhe çnjerëzor," shtoi Volker Turk.

Kjo është e vështirë në Siri, ku lufta ka vrarë më shumë se 500,000 njerëz që nga viti 2011 dhe më shumë se 90% e popullsisë është zhytur në varfëri, sipas shifrave të OKB-së. Megjithatë, shumë sirianë që janë larguar nga vendi vendosin të kthehen për shkak të vështirësive ekonomike, abuzimit dhe retorikës anti-imigruese me të cilat përballen në disa vende pritëse. 

okb refugjatët sirianë volker turk

Sondazh

Poll

MË SHUMË