Aktualitet

EMRAT/ Përdornin para të falsifikuara për blerje, arrestohen dy të rinjtë në Vlorë

Arrestimi i tyre ka ardhru pasi ata kishin përdorur para të falsifikuara për të kryer blerje.

13 Shkurt 2024, 08:42 Nga N.F
EMRAT/ Përdornin para të falsifikuara për blerje, arrestohen dy
Policia

VLORË- Dy tër rinj janë vënë në pranga ditën e sotme në Vlorë. Arrestimi i tyre ka ardhrur pasi ata kishin përdorur  para të falsifikuara për të kryer blerje.

Pas identifikimit nga policia është bërë kapja e 23-vjeçarit Arif Alia dhe 22-vjeçarit Demo Alushaj. Policia ka sekuestruar 2500 euro të dyshuara të falsifikuara, 120 400 lekë, 1 automjet dhe 4 celularë.

Njoftimi i plotë:

Vijojnë kontrollet dhe puna e inteligjencës policore, për të garantuar sundimin e ligjit në territor. Goditet një rast i përdorimit të kartëmonedhave të falsifikuara. Sekuestrohen 2500 euro të dyshuara të falsifikuara, 120 400 lekë, 1 automjet dhe 4 celularë. Identifikohen, kapen dhe arrestohen 2 shtetasit që posedonin kartëmonedhat euro të falsifikuara, të cilët dyshohet se i përdornin ato për të blerë në disa subjekte tregtare në qytetin e Vlorës. Procedohet penalisht dhe një shtetas tjetër që kishte dijeni për veprimtarinë kriminale të 2 të arrestuarve. Specialistët për Hetimin e Krimeve Ekonomike e Financiare, pas informacioneve të siguruara nga inteligjenca policore se dy shtetas dispononin kartëmonedha të falsifikuara dhe po i përdornin në disa subjekte të ndryshme në qytetin e Vlorës, organizuan punën në bashkëpunim me shërbimet e Forcën së Posaçme “Shqiponja” të DVP Vlorë, për identifikimin dhe kapjen e tyre.

Si rezultat i veprimeve të shpejta profesionale u identifikuan, u kapën dhe u arrestuan shtetasit A. A., 23 vjeç, banues në Dibër dhe D. A., 22 vjeç, banues në Fier. Nga veprimet hetimore dyshohet se këta shtetas, në bashkëpunim me njëri tjetrin, kanë përdorur kartëmonedha euro të dyshuara të falsifikuara, për të blerë produkte në disa subjekte tregtare në qytetin e Vlorës. Gjithashtu, në vijim të veprimeve u referuan materialet në Prokurori dhe nisi procedimi në gjendje të lirë për shtetasin M. V., 21 vjeç, pasi dyshohet se kishte dijeni për veprimtarinë kriminale të 2 shtetasve tashmë të arrestuar. Policia sekuestroi në cilësinë e provës materiale 2500 euro të dyshuara të falsifikuara, 120 400 lekë, 1 automjet tip “BMë” dhe 4 celularë. Materialet i kaluan Prokurorisë, për veprime të mëtejshme.

policia e shtetit para te falsifikuara arrestim ne lezhe

Sondazh

Poll

MË SHUMË