Bota

Ndryshimi më i madh pas dy vitesh luftë, Zelensky shkarkon gjeneralin Valeri Zaluzhnyi

Ky është ndryshimi më i madh ushtarak që nga fillimi i pushtimit të plotë të Rusisë pothuajse dy vjet më parë.

8 Shkurt 2024, 17:53 Nga N.F
Ndryshimi më i madh pas dy vitesh luftë, Zelensky shkarkon gjeneralin
Valerii Zaluzhnyi

UKRAINË- Presidenti ukrainas, Volodymyr Zelensky ka njoftuar shkarkimin e komandantit të lartë, gjeneralit Valeri Zaluzhnyi. Ky është ndryshimi më i madh ushtarak që nga fillimi i pushtimit të plotë të Rusisë pothuajse dy vjet më parë.

Në një postim në Telegram nën një foto të tij me Zaluzhnyi, Zelensky falenderoi gjeneralin për mbrojtjen e Ukrainës.

 “U takova me gjeneralin Valerii Zaluzhnyi. E falënderova për dy vjet mbrojtjen e Ukrainës. Ne diskutuam se çfarë lloj rinovimi kanë nevojë për Forcat e Armatosura të Ukrainës. Ne diskutuam gjithashtu se kush mund të jetë në drejtimin e rinovuar të Forcave të Armatosura të Ukrainës. Koha për një rinovim të tillë është tani. I ofrova Valerii Fedorovych [Zaluzhnyi] që të vazhdojë të jetë në ekip,” shkroi Zelensky.

Zaluzhnyi gjithashtu ka reaguar për shkarkimin ku shkroi se u vendos që  duhet të ndryshojnë qasjet dhe strategjinë.

“Detyrat e vitit 2022 janë të ndryshme nga ato të vitit 2024. Prandaj, të gjithë duhet të ndryshojnë dhe të përshtaten edhe me realitetet e reja. [Ne] sapo jemi takuar me Komandantin e Përgjithshëm Suprem. Ishte një bisedë e rëndësishme dhe serioze. U vendos që ne duhet të ndryshojmë qasjet dhe strategjinë tonë,” shkroi ai.

 

ukraine zelensky

Sondazh

Poll

MË SHUMË