Bota

Sëmundja u kap në fazë të hershme, gjendja shëndetësore e Mbretit Charles duket e mirë

Deklarata kujdesej të vinte në dukje se mbreti i është mirënjohës ekipit të tij mjekësor për ndërhyrjen e tyre të shpejtë, e cila u bë e mundur falë procedurës së tij të fundit në spital.

6 Shkurt 2024, 15:34 Nga S.B
Sëmundja u kap në fazë të hershme, gjendja
Mbreti Charles

MBRETËRI E BASHKUAR- Gjendja e mbretit Charles III pas diagnozës së tij të kancerit thuhet se është e mirë. Sipas Daily Mail, sëmundja u kap në fazë të hershme. Gazeta raportoi të hënën se qëndrimi optimist i monarkut britanik dhe përkushtimi ndaj detyrave të tij kanë mahnitur familjen dhe miqtë e tij. Më herët gjatë ditës, Buckingham Palace njoftoi se Charles, 75 vjeç, ishte diagnostikuar me një formë të paspecifikuar kanceri, ndërsa i nënshtrohej një procedure për zmadhimin e prostatës muajin e kaluar.

“Madhëria e tij ka filluar sot një orar trajtimesh të rregullta, kohë gjatë së cilës ai është këshilluar nga mjekët që të shtyjë detyrat me publikun”, thuhet në deklaratë.

“Gjatë gjithë kësaj periudhe, Madhëria e Tij do të vazhdojë të ndërmarrë punët shtetërore dhe dokumentet zyrtare si zakonisht.”

Deklarata kujdesej të vinte në dukje se mbreti i është mirënjohës ekipit të tij mjekësor për ndërhyrjen e tyre të shpejtë, e cila u bë e mundur falë procedurës së tij të fundit në spital. Ai mbetet plotësisht pozitiv për trajtimin e tij dhe pret që të kthehet në detyrën e plotë publike sa më shpejt të jetë e mundur. Charles zgjodhi të publikojë lajmin për të parandaluar spekulimet dhe me shpresën se mund të ndihmojë në mirëkuptimin publik për të gjithë ata në mbarë botën që janë të prekur nga kanceri.

Mbreti i cili hipi në fron në maj 2023 pas vdekjes së nënës së tij, Mbretëreshës Elizabeth II, në shtator 2022, në moshën 96-vjeçare, së fundmi iu nënshtrua një “procedure korrigjuese” për të trajtuar prostatën e tij të zmadhuar, pas së cilës ai kaloi një javë në spitali.

mbreti charles

Sondazh

Poll

MË SHUMË