Sport

Stefano Pioli pas fitores ndaj Frosinones: “Jemi afër nivelit të Interit dhe Juventusit, nuk jam i prekur nga thashethemet”

Stefano Pioli iu përgjigj zërave kundër që ai të vazhdojë te Milani edhe në sezonin e ri ndërsa, shprehu mendimin se kuqezinjtë janë shumë afër nivelit të Interit dhe Juventusit.

4 Shkurt 2024, 11:30 Nga DOSJA

Stefano Pioli pas fitores ndaj Frosinones: “Jemi afër nivelit të

ITALI - Milani u pengua javën e kaluar ndaj Bolonjës (2-2), në një ndeshje ku humbi dy penallti me Giroud dhe Hernandez, por kjo nuk i pengoi të shtunën mbrëma kundër  Frosinones të festonin një fitore të dytë radhazi jashtë “San Siros”, pas asaj ndaj Udineses, gjithashtu 3-2, edhe me përmbysje.

"Jovic (shënoi golin e fitores) është një lojtar kyç. Ai nuk merr shumë kohë për të luajtur, por ai e përdor atë për të ndihmuar ekipin. Unë besoj në vlerën e tij. Dhe në ndeshjen kundër Bolonjës ne besuam në fitore, por nuk ia dolëm. 

Në vitin e ri jemi shumë afër nivelit të Interit dhe Juventusit, që janë shumë të fortë”,- tha Stefano Pioli pas trepikëshit si mysafir ndaj Frosinones, i cili i pyetur nëse donte një barazim në derbin e sotëm të Italisë për të ngushtuar distanca nga dy të parët, ai tha:

"Po, a mund të them jo? Do të jetë një ndeshje e madhe mes dy skuadrave që dominojnë ligën. Do të jetë një ndeshje shumë e ekuilibruar, siç ishte edhe në raundin e parë."

Natyrisht, me Milanin që përflitet se është në bisedime me Antonio Conten për pozicionin e trajnerit nga sezoni i ri, Pioli dha një përgjigje çarmatosëse:

"Unë nuk mendoj se dikush kujdeset për ndjenjat e mia, nëse jam i mërzitur apo jo. E rëndësishme është që unë dhe klubi të fokusohemi tek e tashmja.

Pjesa tjetër janë thashetheme që nuk më prekin, unë kam qenë pjesë e kësaj bote për një kohë të gjatë sa të shqetësohem për disa thashetheme.

Që në momentin e parë që jam në Milano, shoh që ka një drejtues, që vlerëson punën e bërë në fund të vitit dhe që zgjedh. Klubi do të vendosë.

Në Milano nuk jam vetëm mirë, është më shumë, jam ndjerë mirë që në ditën e parë dhe përpiqem të jap diçka çdo ditë. Nëse po pyesni, se cila është dëshira ime, është të bëj shumë mirë këtë vit, sezoni është ende i gjatë”.

B.T (Dosja.al)

Sondazh

Poll

Sport 4 Shkurt 2024, 08:00

PSG reagon për largimin e Mbappe!...

FRANCE - Kylian Mbappé te Real Madridi? Trendi tashmë duket se po merrte formë kohët e fundit dhe nga ana pariziane, vendosëm t'i kon...

MË SHUMË