Aktualitet

Artan Hoxha jep detaje për vrasjen e Sinomatit: Humbja e 250 kilogramëve heroinë në Belgjikë solli ekzekutimin e tij

Gazetari shton se ngarkesa ishte duke u transportuar nga disa persona nga Veriu i Shqipërisë dhe u marrë nga persona të afërt me Sinomatin.

2 Shkurt 2024, 17:58 Nga h.k
Artan Hoxha jep detaje për vrasjen e Sinomatit: Humbja e 250
Foto ilustruese

TIRANË-Gazetari, Artan Hoxha ka treguar detaje nga vrasja e Gëzim Sinomatit në qytetin e Vlorës. Sipas gazetarit Hoxha, vrasja e Sinomatit ka ndodhur për shkak të humbjes së një ngarkese prej 250 kilogram heroinë në Belgjikë.

Gazetari shton se ngarkesa ishte duke u transportuar nga disa persona nga Veriu i Shqipërisë dhe u marrë nga persona të afërt me Sinomatin.

"Më rezulton se shkak është humbja e një ngarkesë prej 250 kg heroinë. E dimë kush e sjell heroinën në Shqipëri. Kjo ngarkesë ka humbur në Belgjikë, personat që e çonin ishte nga Veriu i Shqipërisë.

Ishin persona të afërt të Gëzim Sinomatit. Kundërshtarët kanë kërkuar kthimin e ngarkesës, ose do të reagonin. Kur kanë humbur shpresën, ata kanë sulmuar personin që arritën të kapnin. Për heroinën në Shqipëri ka 3 qendra, Fieri, Elbasani dhe Shijaku.

Territori më i afët me Vlorën është Fieri, kjo është një ngjarje e rëndë, jemi ende pa autor," tha Artan Hoxha në Top News.

Kujtojmë se Gëzim Sinomati, 22 vjeç u ekzekutua me një plumb mbrëmjen e 7 janarit në Vlorë. I riu sapo ishte kthyer në Shqipëri për festa teksa nuk raportohet të ishte një person problematik dhe me precedent penal. Babai i 22-vjeçarit njihej në Vlorë dhe me nofkën “Sokol buzëderri”.

artan hoxha

Sondazh

Poll

MË SHUMË