Bota

Dhunuan barbarisht Nikolla Sanduloviç, avokati serb ngre kallëzim penal kundër disa oficerëve të BIA-s

Stojkoviç u shpreh se gjithashtu do të ngrenë kallëzim edhe kundër gjyqtarit dhe prokurorit publik që kanë marrë një vendim të kundërligjshëm dhe antikushtetues për ndalimin e politikanit pas homazheve në Kosovë.

31 Janar 2024, 09:49 Nga N.F

 

Dhunuan barbarisht Nikolla Sanduloviç, avokati serb ngre kallëzim
Nikolla Sanduloviç

 

SERBI- Avokati serb, Çedomir Stojkoviç dhe kolegu i tij, Michael Polak nga Londra do të paraqesin nesër një kallëzim penal kundër disa oficerëve të Agjencisë për Informim të Sigurisë (BIA) për rrahjen e politikanit serb, Nikolla Sanduloviç. Stojkoviç u shpreh se gjithashtu do të ngrenë kallëzim edhe kundër gjyqtarit dhe prokurorit publik që kanë marrë një vendim të kundërligjshëm dhe antikushtetues për ndalimin e politikanit pas homazheve në Kosovë.

"Duke pasur parasysh se gjykata e arsyetoi ndalimin e paligjshëm të Nikolla Sanduloviçit me faktin se ai vendosi lule mbi varrin e Blerina Jasharit, një vajzë shtatëvjeçare e vrarë në vitin 1998, kallëzim penal për shkelje të ligjit nga gjyqtari dhe prokurori do të ngremë një rast kundër gjyqtarit dhe prokurorit publik që kanë marrë një vendim të tillë të kundërligjshëm, por edhe antikushtetues dhe të paqytetëruar. Sepse askush nuk duhet rrahur dhe askush nuk duhet të ndalohet vetëm për vendosjen e luleve mbi varrin e dikujt! Menjëherë pas paraqitjes së kallëzimit penal do t’u drejtohemi mediave”, tha Stojkoviç.

Ai kujtoi se  Sanduloviç u lirua nga paraburgimi pasi Asambleja Parlamentare e Këshillit të Evropës kërkoi lirimin e tij të menjëhershëm dhe pas kritikave të shumta nga perëndimi për shkak të këtij rasti të egër.

nikolla sanduloviç Çedomir stojkoviç michael polak

Sondazh

Poll

MË SHUMË