Bota

I zmadhuan gjoksin me fotoshop, deputetja nuk i kursen akuzat ndaj televizionit australian: Kjo nuk i ndodh një deputeti mashkull

Në një postim Georgie Purcell shkruante se është treguar e përmbajtur në momentin që ka parë lajmin. 

30 Janar 2024, 17:27 Nga E.d
I zmadhuan gjoksin me fotoshop, deputetja nuk i kursen akuzat ndaj televizionit
Georgie Purcell

AUSTRALI- Një televizion australian lajmesh ka kërkuar falje pasi ka transmetuar një foto të ligjvënëses Georgie Purcell, duke i zmadhuar gjoksin dhe ekspozuar mesin e saj. Në një postim Georgie Purcell shkruante se është treguar e përmbajtur në momentin që ka parë lajmin. 

"Kam duruar shumë dje. Por, fotoshopi i trupit dhe veshjes sime nga një media nuk ishte në kartën time të bingos. Vini re gjinjtë e zmadhuar dhe veshjet që do të bëhen më zbuluese. Nuk mund ta imagjinoj që kjo t'i ndodhë një deputeti mashkull. Kjo nuk ka të bëjë vetëm me mua, ka të bëjë me mënyrën se si ne i trajtojmë gratë më gjerësisht," shkroi ajo.

Hugh Nailon, drejtori i 9News Melbourne, kërkoi falje, duke fajësuar automatizimin nga Photoshop për krijimin e një imazhi që nuk përputhet me origjinalin, pasi iu ndryshuan përmasat. Edhe pse nuk ishte e bindur nga arsyetimi, Purcell tha se pranoi faljen, duke shtuar se ky redaktim seksist ishte diçka që nuk duhet të ndodhi më.

georgie purcell hugh nailon

Sondazh

Poll

MË SHUMË