Bota

"Nuk ka përmbushur pagesat", avokatët e Hashim Thaçit tërhiqen nga mbrojta e tij

Avokatët e tij Gregory Kehoe, Joe Reeder, “Greenberg Legal Associates” dhe anëtarët e kësaj kompanie kanë kërkuar të tërhiqen nga mbrojtja e Thaçit.

30 Janar 2024, 12:10 Nga N.F
"Nuk ka përmbushur pagesat", avokatët e Hashim Thaçit
Hashim Thaçi

KOSOVË- Avokatët e ish-Presidentit të Kosovës, Hashim Thaçi janë tërhequr nga mbrojtja e tij. Avokatët e tij Gregory Kehoe, Joe Reeder, “Greenberg Legal Associates” dhe anëtarët e kësaj kompanie kanë kërkuar të tërhiqen nga mbrojtja e Thaçit. Shkak i këtij vendimi mësohet se është përmendur moskryerja e obligimeve ndaj tyre.

“Z.Thaçi nuk ka përmbushur detyrimin ndaj Gregory Kehoe, Joe Reeder, Associates Greenbuerg Legal dhe anëtarëve të ekipit mbështetës dhe z.Thaçit i është dhënë një paralajmërim i arsyeshëm se do të kërkonin përfundimi nëse nuk u është përmbushur detyrimi”, thuhet në njoftimin e Dhomave të Specializuara.

Në njoftim është përfshirë kërkesa zyrtare e mbrojtjes së Thaçit, ndërsa thuhet se sipas rregullores, kur të caktohet grupi tjetër i mbrojtjes, avokatët paraprak duhet të vazhdojnë të bashkëpunojnë në një periudhë prej jo më shumë se 45 ditë.

Ministria e Drejtësisë në Kosovë ka reaguar pas lajmit se avokatët e ish-presidentit Hashim Thaçi paralajmëruan tërheqjen nga mbrojtja për shkak të mos kryerjes së pagesës. Në reagimin e tyre sqarohet se pagesa është kryer për vitet 2020, 2021, 2022 dhe 2023 për avokatin Luka Misetiç, i cili ka marrëveshje me ministrinë. Sqarohet gjithashtu se për avokatët tjerë potencial, qoftë edhe privat, të cilët angazhohen nga Thaçi, Ministria e Drejtësisë nuk ka Marrëveshje dhe nuk mbanë përgjegjësi për realizmin e pagesave.

 

hashim thaçi avokat gjykata speciale

Sondazh

Poll

MË SHUMË