Bota

Orban sërish pengesë për ndihmën ndaj Ukrainës? Ja plani i BE-së për të sabotuar ekonominë hungareze

Plani, i raportuar nga Financial Times, pasqyron tërbimin që po rritet nëpër kryeqytetet evropiane ndaj asaj që një diplomat e quajti “politika e shantazhit” që po ndiqet nga kryeministri hungarez, i cili drejton shtetin më pro-rus të bllokut.

29 Janar 2024, 20:41 Nga M.B
Orban sërish pengesë për ndihmën ndaj Ukrainës? Ja
Viktor Orban

BRUKSEL- Zyrtarët në Bruksel thuhet se kanë hartuar një plan sekret për të sabotuar ekonominë e Hungarisë nëse Viktor Orban vendos këtë javë të bllokojë sërish një paketë mbështetjeje prej 50 miliardë eurosh për Ukrainën. Plani, i raportuar nga Financial Times, pasqyron tërbimin që po rritet nëpër kryeqytetet evropiane ndaj asaj që një diplomat e quajti “politika e shantazhit” që po ndiqet nga kryeministri hungarez, i cili drejton shtetin më pro-rus të bllokut. Strategjia përfshinte shënjestrimin e ekonomisë së Hungarisë, dobësimin e monedhës së saj dhe uljen e besimit të investitorëve. Orban bllokoi 50 miliardë euro në fondet e Ukrainës në dhjetor, duke detyruar një takim urgjent të liderëve të caktohet të enjten për të rishqyrtuar çështjen.

Mediat e huaja raportojnë se kryeqytetet e BE-së ishin ende me shpresë për një marrëveshje me Orbanin. Monedha hungareze, forinta, u zhvlerësua me 0.7% të hënën, për një kohë të shkurtër në nivelin më të ulët kundrejt euros, parë për herë të fundit në tetor.

be rusia hungaria

Sondazh

Poll

MË SHUMË