Bota

"Kërcënime nga militantët e Radoiçiç", digjet makina e kryetarit të Kuvendit Komunal në Leposaviç

Vokrri thotë se djegia e veturës vjen pas kërcënimeve të militantëve të Radoiçiçit.

28 Janar 2024, 12:14 Nga N.F
"Kërcënime nga militantët e Radoiçiç",
Makina e djegur

KOSOVË- Zëvendësministri i Administrimit dhe Pushtetit Lokal, Arbër Vokrri për mes një njoftimi në Facebook ka bërë të ditur se është djegur makina e kryesuesit të kuvendit komunal në Leposaviç, Gorski Guriç. Vokrri thotë se djegia e veturës vjen pas kërcënimeve të militantëve të Radoiçiçit.

“Djegia e veturës së Kryesuesit të Kuvendit Komunal në Leposaviç, z. Gorski Guriç, vie pas shpeshtimit të kërcënimeve nga militantët e Radoiçiç, kundrejt serbëve që i kanë përzënë nga oborret dhe institucionet. Dje e patë grafitin “JE I VDEKUR!” në veturën e z. Sladjan Mijajloviç, zyrtar komunal në Leposaviç. Edhe maltretimi fizik i kolegëve të këtyre nga ana e shërbimit sekret dhe policisë së regjimit fashist të Beogradit, sa herë kalojnë tek familjarët në Serbi, bëhen me të njëjtin mesazh: mos u afroni me shqiptarët e mos e pranoni Kosovën për shtetin tuaj”, shkruan ai.

Më tej Vokrri ka shtuar se duhet të shfaqim mirënjohje dhe t’i inkurajojnë qytetarët serbë të Republikës së Kosovës që të mos gjunjëzohen nga presioni i terroristëve.

“Angazhimi im në Veri ka qenë dhe vazhdon të jetë për afirmim dhe kurajim të serbëve që të mos ndihen të braktisur e të tradhtuar për besnikërinë e tyre në ndërtim të institucioneve tona,” shtoi ai.

kosove kercenime diegie lepoaviç

Sondazh

Poll

Bota 28 Janar 2024, 11:11 N.F

Irani dërgon në orbitë tre satelitë

Foto ilustruese IRAN- Irani tha se ka lëshuar njëkohësisht tre satelitë në orbitë më 28 janar. Ky njoftim vjen pothuajse...

MË SHUMË