Bota

India tenton të forcojë lidhjet me Francën, Macron i ftuar kryesor në festën kombëtare

Kjo ftesë vjen në një kohë kur Nju Delhi dhe Parisi vazhdojnë të negociojnë marrëveshje miliarda dollarëshe për të blerë avionë luftarakë francezë dhe nëndetëse për ushtrinë indiane.

24 Janar 2024, 14:30 Nga M.B
India tenton të forcojë lidhjet me Francën, Macron i ftuar
Kryeministri indian Narendra Modi dhe presidenti francez Emmanuel Macron pozojnë gjatë inaugurimit të një termocentrali diellor në Mirzapur, në shtetin verior të Uttar Pradesh, Indi, 12 mars 2018

INDIA- Presidenti francez Emmanuel Macron do të marrë pjesë në festimet e Ditës së Republikës së Indisë të premten si i ftuari kryesor. Kjo ftesë vjen në një kohë kur Nju Delhi dhe Parisi vazhdojnë të negociojnë marrëveshje miliarda dollarëshe për të blerë avionë luftarakë francezë dhe nëndetëse për ushtrinë indiane. Megjithatë, zyrtarët në Nju Delhi dhe Paris thanë se vizita do të jetë më shumë ceremoniale sesa thelbësore dhe nuk priten rezultate të mëdha. Franca është furnizuesi i dytë më i madh i armëve të Indisë dhe ka qenë një nga partnerët e saj më të vjetër dhe më të afërt në Evropë për dekada me radhë ndërsa ishte i vetmi vend perëndimor që nuk vendosi sanksione ndaj Nju Delhit pasi India kreu teste bërthamore në 1998.

Sipas zyrtarëve në Nju Delhi dhe Paris, gjatë vizitës së tij shtetërore 40-orëshe, Macron do të takohet gjithashtu me drejtues biznesi nga industritë farmaceutike, automobilistike, hapësinore, energjitike dhe hidrogjenit.

india franca

Sondazh

Poll

MË SHUMË