Bota

Qeveria e Maqedonisë së Veriut jep dorëheqjen të enjten, kur pritet të marrë detyrën kryeministri shqiptar

Kryeministër i qeverisë teknike pritet të emërohet Talat Xhaferi, i cili do të dorëhiqet ndërkohë nga pozicioni i kryetarit të Kuvendit.

24 Janar 2024, 09:18 Nga M.B

 

Qeveria e Maqedonisë së Veriut jep dorëheqjen të enjten, kur
Dimitar Kovaçevski dhe Talat Xhaferri

 

MAQEDONIA E VERIUT- Kryeministri i Maqedonisë së Veriut, Dimitar Kovaçevski njoftoi se të enjten kabineti i tij jep dorëheqjen për t’i hapur rrugën formimit të qeverisë teknike. Kryeministër i kësaj të fundit pritet të emërohet Talat Xhaferi, i cili do të dorëhiqet ndërkohë nga pozicioni i kryetarit të Kuvendit. Qeveria teknike do të funksionojë për 100 ditë, apo deri në zgjedhjet parlamentare, të përcktuara të mbahen në 8 maj.

“E gjithë qeveria do të japë dorëheqjen të enjten në orën 10:00. Do të kemi kohë të mjaftueshme që t’i kryejmë të gjitha formalitetet dhe të dielën 28 janar të votohet qeveria teknike”, deklaroi Kovaçevski.

Përpara votimit të saj ndërkohë, parlamenti do të votojë kryetarin e ri, Jovan Mitreski-n, i cili kryeson aktualisht grupin parlamentar të Lidhjes Social-Demokrate (LSDM). Qeveria teknike, bazuar në Ligjin për Zgjedhjet, formohet 100 ditë para çdo cikli zgjedhor, dhe ka për detyrë organizimin dhe mbarëvajtjen e zgjedhjeve parlamentare. Pjesë e kësaj qeverie, përveç partive që aktualisht përbëjnë ezekutivin, LSDM-ja, BDI-ja dhe Aleanca për Shqiptarët, duhet të jetë edhe opozita, konkretisht VMRO DPMNE-ja, të cilës i takojnë Ministria e Punëve të Brendshme, Ministria për Punë dhe Politikë Sociale, si dhe tre zëvendësministra me kompetenca të veçanta, që do të thotë se ministrat nuk do të mund të marrin asnjë vendim pa nënshkrimin edhe të zëvendësministrave.

 

talat xhaferri dimitar kovaçevski

Sondazh

Poll

MË SHUMË