Bota

VIDEO/ Aksident i rëndë në Itali, makina futet brenda në kafene, plagosen 7 persona

Në videot e sigurisë të cilat jane publikuar nga mediat italiane duket makina e cila ka humbur kontrollin dhe thyen derën e kafenesë duke marrë para disa klientë të cilët ndodheshin pranë daljes.

23 Janar 2024, 14:21 Nga N.F

VIDEO/ Aksident i rëndë në Itali, makina futet brenda në

Pamje nga vendi i ngjarjes

ITALI- Një aksident është regjistruar në një kafene në Torino ku një makinë përplaset me dërën e lokalit dhe përfundon duke marrë para disa klientë. Në videot e sigurisë të cilat jane publikuar nga mediat italiane duket makina e cila ka humbur kontrollin dhe thyen derën e kafenesë duke marrë para disa klientë të cilët ndodheshin pranë daljes.

Ngjarja ndodhi rreth orës 9:30 të mëngjesit teksa klientët po shijonin mëngjesin e tyre brenda kafenesë lokale. Shtatë persona janë dërguar në spital me lëndime të lehta, por nuk ka raportime për viktima. Sipas mediave lokale, matësi i shpejtësisë në makinë në momentin e përplasjes u bllokua në 115 km/h.

“Mund të ishte një tragjedi e vërtetë, të paktën 10 njerëz mund të kishin vdekur”, ka thënë për BBC, vajza e pronares së kafenesë, Simona Carastro. Ndërsa policia po heton ende rrethanat e aksidentit.