Bota

OKB: Civilët palestinezë në Gaza kanë nevojë për më shumë ndihma për të mbijetua

Shifrat tregojnë se vetëm katër të pestat e fondeve emergjente të nevojshme për të garantuar sigurinë ushqimore dhe afërsisht një e katërta e asaj që nevojitet për strehim, ujë dhe kanalizime janë siguruar.

22 Janar 2024, 21:59 Nga r.ll
OKB: Civilët palestinezë në Gaza kanë nevojë për
foto ilustruese

GAZA- Pothuajse e gjithë popullata e Rripit të Gazës po përballet me një krizë humanitare, thonë organizatat e ndihmës të OKB-së. Miliona njerëz janë zhvendosur që nga 7 tetori dhe ata po përpiqen të qëndrojnë të thatë dhe të ngrohtë, teksa temperaturat e dimrit dhe shirat kanë filluar.

Më pak se një javë në luftën Izrael-Gaza, Kombet e Bashkuara i kanë bërë thirrje botës duke i kërkuar afro 300 milionë dollarë ndihmë për të ndihmuar palestinezët në Gaza dhe Bregun Perëndimor, përfshirë Jeruzalemin Lindor. Brenda një muaji, shifra pothuajse u katërfishua pasi i gjithë Rripi i Gazës u zhyt në një katastrofë humanitare, shkruan CNN.

Tre muaj pas luftës, donatorët ndërkombëtarë, kryesisht qeveritë, kanë siguruar pak më shumë se gjysmën e fondeve të kërkuara përmes planit të OKB-së, sipas të dhënave nga Shërbimi i Ndjekjes Financiarei Zyrës së OKB-së për Koordinimin e Çështjeve Humanitare (OCHA).

Shifrat tregojnë se vetëm katër të pestat e fondeve emergjente të nevojshme për të garantuar sigurinë ushqimore dhe afërsisht një e katërta e asaj që nevojitet për strehim, ujë dhe kanalizime janë siguruar.

Edhe para luftës së Izraelit me Hamasin në Gaza, enklava ka qenë ndër përfituesit kryesorë në botë të ndihmës për frymë për vite me radhë. Para luftës, katër në pesë njerëz vareshin nga ndihma ndërkombëtare dhe deri në 1.84 milionë njerëz ishin të pasigurt ushqimor, sipas Programit Botëror të Ushqimit.

lufta izrael-palestine okb

Sondazh

Poll

MË SHUMË