Aktualitet

Gjyqtarja kërkon mbrojtje të posaçme në KLGJ: Më kanë kërcënuar me jetë mua dhe familjen time

Ky kërcënim dyshohet që të ketë ardhur nga burgu, teksa përballë këtij kërcënimi gjyqtarja Arnisa Këlliçi ka kërkuar nga Këshilli i Lartë Gjyqësor ti mundësohet mbrojtje e posaçme.

20 Janar 2024, 19:31 Nga r.ll
Gjyqtarja kërkon mbrojtje të posaçme në KLGJ: Më
arnisa këlliçi

TIRANË- Gjyqtarja e Gjykatës së Tiranës Arnisa Këlliçi, ka kërkuar mbrojtje pranë Këshillit të Lartë Gjyqësor, pasi ka treguar se është kërcënuar me jetë.

Në shkresën që ajo I ka drejtuar KLGj-së i vë në dijeni se letra e kërcënuese i ka ardhur këtë të shtunë, kur data shënon 20.01.2024.

PJESË NGA LETRA KËRCËNUESE:

E dashur Arnisa.

Keni dy fëmijë ….. dhe ….. Mendoni për ta!

Si mund të rroni ju, e jo ata e kjo është e vërtetë.

Me respekt

Ky kërcënim dyshohet që të ketë ardhur nga burgu, teksa përballë këtij kërcënimi gjyqtarja Arnisa Këlliçi ka kërkuar nga Këshilli i Lartë Gjyqësor ti mundësohet mbrojtje e posaçme.

LETRA DREJTUAR KLGJ-SË:

Para pak ditësh më është bërë me dije nga Kancelari i kësaj Gjykate që kundrejt meje, gjyqtares Arnisa Kēlliçi, ka patur një kërcënim me jetë.

Për këtë fakt unë nuk kam prova, por më është bërë me dije se ka një kallëzim të depozituar nga ana e Kancelarit të Gjykatës së Shkallës së Parë të Juridiksionit të Përgjithshëm Tiranë.

Sot më datë 20.01.2024, më ka ardhur një letër kërcënuese, që me aq sa mund të deshifroj

përmban kërcënime për mua, fëmijët e mi dhe familjen time.

Unë nuk mund të atestoj në asnjë moment për vërtetësinë e kësaj letre

Thënë kjo, për çdo eventualitet, unë kërkoj një mbrojtje të posaçme, për aq sa ju e shihni te nevojshme

arnisa këlliçi

Sondazh

Poll

MË SHUMË