TIRANË- Partia Demokratike ka reaguar pas raportimit të Minsitres së Financave dhe Ekonomisë, Anila Denaj në Kuvend. Me anë të Drejtorit të Kabinetit, Dorian Telitit, PD shprehet se buxheti nuk ka rritje pagash, nuk ka rritje pensionesh, nuk ka rritje të investimeve publike, por rritje të PPP-ve duke pasuruar akoma më shumë oligarkët e qeverisë së Edi Ramës.
Më tej Teliti u shpreh se “buxheti 2020 është pasqyra e paaftësisë së kësaj qeverie, e krizës ku e ka zhytur ekonominë e shumicës së familjeve dhe e mungesës së vullnetit për të punuar për qytetarët”. “Është hera e parë në 30 vjet, madje rast unik në histori, që një projekt-buxhet ndërtohet duke patur prioritet absolut vetëm një grusht oligarkësh. Sikur të mos mjaftonin të gjithë këto, këtë vit nuk kemi as edhe një paketë të duhur fiskale”, u shpreh Teliti.
DEKLARATA E PLOTË
Buxheti 2020 i qeverisë së Edi Ramës nuk është buxheti që rrit mirëqenien e qytetarëve, por është buxheti që pasuron akoma më shumë oligarkët dhe klientët e qeverisë së Edi Ramës. Buxheti nuk ka rritje pagash, nuk ka rritje pensionesh, nuk ka rritje të investimeve publike. Bashkë me paketën fiskale, ky është buxheti që rëndon shqiptarët me taksa të larta, me të cilat do të paguhen miqtë, klientët, financuesit dhe oligarkët e Edi Ramës. Propaganda e qeverisë me buxhetin nuk mund ta fshehë kolapsin ekonomik. Buxheti 2020 është pasqyra e paaftësisë së kësaj qeverie, e krizës ku e ka zhytur ekonominë e shumicës së familjeve dhe e mungesës së vullnetit për të punuar për qytetarët. Mund te quhet buxheti i mashtrimit, pasi nga njëra ane pretendohet rritje ekonomike prej 4.1%, por nga ana tjetër të ardhurat nga TVSH, që është treguesi kryesor i konsumit të popullatës, parashikohet me rënie reale.
Pa asnjë dyshim, ky buxhet mund të quhet buxheti i varfërimit, pasi asnjë qindarkë nuk parashikohet për rritje rrogash për mjekët, infermierët, arsimtarët dhe punonjësit e administratës publike. Asnjë qindarkë për shpërblimin e pensionistëve dhe familjeve në nevojë. Ulen me 10% fondet për dëmshperblimin e ish pronarëve.Ulen fondet për dëmshpërblimin e ish të përndjekurve politikë, duke e çuar në 3 dekada afatin kohor të shlyerjes së plotë të faturës financiare për këtë shtresë të përvuajtur të shoqërisë. Me rënie planifikohen edhe investimet publike, ku rënien më të madhe e kanë projektet në rrugë dhe ujësjellësa. E ndërsa nuk ka asnjë qindarkë për rritje pagash, si lum vërshojnë fondet buxhetore për të paguar PPP e klientëve të qeverisë. 120 milionë euro apo 30 milione euro më shumë sesa viti aktual, do të shkojnë për të paguar 12 kontrata PPP – të gjithë këta miq dhe klientë të Kryeministrit.
Është hera e parë në 30 vjet, madje rast unik në histori, që një projekt-buxhet ndërtohet duke patur prioritet absolut vetëm një grusht oligarkësh. Sikur të mos mjaftonin të gjithë këto, këtë vit nuk kemi as edhe një paketë të duhur fiskale. Politika fiskale është në shërbim të një koncesioni të vetëm, atë të fiskalizimit, i cili ka kosto të fshehura prej të paktën 500 euro në vit për 120 000 bizneset e vogla e të mesme. I bindur se ky është buxheti i tij i fundit, Edi Rama e ka shndërruar këtë në buxhetin KÇK- (Kap Ça t’Kapësh) nga taksat e rritura të shqiptarëve, nga mundi dhe djersa e tyre. Për të kapërcyer këtë gjendje ku është zhytur vendi, nevojitet vizion, gjithëpërfshirje dhe menaxhim me dorë të hekurt ndaj çdo abuzimi. PD e ka programin e saj të nxjerrjes së vendit nga kolapsi, të rikthimit të shpresës në vend, ku secili të ketë mundësi të barabarta. Bashkë me shqiptarët, pasi të kemi siguruar zgjedhje të lira e të ndershme, ne do ta zbatojmë këtë plan që rimëkëmb dhe zhvillom ekonominë dhe prodhon mirëqenie për shqiptarët.
(A.B. Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË – Është marrë i pandehur nga prokuroria e Tiranës, kryetari i Partisë Demokratike, Lulzim Basha në lidhje me financimet ruse në SHBA për zgjedh...
ZVICËR- Matthew Palmer, i dërguari i SHBA për Ballknain, ka folur sot nga Forumin Ekonomik Boteror, në Davos për nismën e Shqipërisë, Serbisë e Maqedonisë ...
ZVICËR- I dërguari special i SHBA-ve për Ballkanin Perëndimor, Matthew Palmer ka deklaruar së fundmi se do t’i pëlqente në vend që të kishte një dialog për...
ZVICËR– Kryeminsitri Edi Rama po zhvillon një vizitë në Zvicër dhe prej andej ka publikuar një video me një polic shqiptar. Sipas Ramës, polici që ai ka në...
ITALI– Ministri i Brendshëm, Sandër Lleshaj ka folur sot nga Roma për operacionin e shpëtimit të Alvin Berishës. Në një deklaratë për mediat Lleshaj falenderoi ...
TIRANË– Debate te nxehta mes Kreshnik Spahiut dhe deputetit të Partisë Socialiste, Xhemal Qefalia.Në një lidhje të drejtpërdrejtë në ”Open”, Spahiu pyeti m...
TIRANË– Ministri i Brendshëm Sandër Lleshaj, bashkë me konsullin e nderit të Shqipërisë në Liban Mark Ghorayeb, ishin të parët që pritën daljen e 11-...
TIRANË– Kreshnik Spahiu bëri debat të fortë me Ervin Salianji në Open në Top Channel.Spahiu e pyeti për pallatet në Vlorë dhe vilën që ka marrë në Lundër L...
TIRANË– Debatet vazhdojnë në Open në Top Channel mes Abilekajt dhe deputetit të Partisë Socialiste Xhemal Qefalia.Debati ka nisur kur deputeti Qefalia tha...
