Aktualitet

EMRI/ I dyshuar për vrasje, arrestohet në Britani 34-vjeçari shqiptar, pritet ekstradimi

Hoxha akuzohet për vrasje me paramendim dhe arrestimi i tij u bë me qëllim ekstradimin drejt Shqipërisë.

17 Janar 2024, 15:41 Nga M.B
EMRI/ I dyshuar për vrasje, arrestohet në Britani 34-vjeçari
Foto ilustruese

MBRETËRI E BASHKUAR- 34-vjeçari shqiptar Donald Hoxha është arrestuar në Mbretërinë e Bashkuar. Hoxha akuzohet për vrasje me paramendim dhe arrestimi i tij u bë me qëllim ekstradimin drejt Shqipërisë. Mësohet se ai fshihej në Londër dhe se nga Gjykata e Elbasanit ishte caktuar masa 'arrest me burg' për vrasje e një personi më 22 korrik 2009, për të cilën Hoxha është i dyshuar.

Njoftimi i policisë:

'Policia e Shtetit

Finalizohet si rezultat i shkëmbimit të informacioneve mes Interpol Tiranës dhe Interpol Mançester, Mbretëri e Bashkuar, operacioni policor i përbashkët, i koduar “Capital”. Pas shkëmbimit të informacioneve të siguruara nga inteligjenca e Policisë së Shtetit, kapet në kohë rekord në Londër dhe arrestohet me qëllim ekstradimin në Shqipëri, një 34-vjeçar i akuzuar për vrasje me paramendim. Si rezultat i shkëmbimit të informacioneve mes strukturave të Policisë së Shtetit dhe homologëve në Mbretërinë e Bashkuar, për lokalizimin dhe kapjen e shtetasve në kërkim ndërkombëtar, është finalizuar operacioni policor i koduar “Capital”.

Gjatë këtij operacioni, në bazë të informacionit të siguruar nga inteligjenca e Policisë së Shtetit, për vendndodhjen e një shtetasi në kërkim ndërkombëtar që fshihej në Londër, është kapur në kohë rekord në Londër dhe është arrestuar me qëllim ekstradimin drejt Shqipërisë, shtetasi D. H., 34 vjeç. Ky shtetas ishte shpallur në kërkim ndërkombëtar nga Interpol Tirana, pasi Gjykata e Shkallës së Parë e Juridiksionit të Përgjithshëm Elbasan i ka caktuar masën e sigurisë “Arrest në burg”, për veprat penale “Vrasja me paramendim” dhe “Mbajtja pa leje dhe prodhimi i armëve, armëve luftarake dhe municionit”. Shtetasi D. H. akuzohet si njëri nga autorët e vrasjes së shtetasit R. R., ngjarje e ndodhur më datë 22.07.2009, në Elbasan. Interpol Tirana, në bashkëpunim me Interpol Mançester, Mbretëri e Bashkuar, po kryen procedurat për ekstradimin e shtetasit D. H., në Shqipëri.'

vrasje mbreteri e bashkuar ekstradim donald hoxha

Sondazh

Poll

MË SHUMË