Aktualitet

EMRI/ I hapi profile false në rrjete sociale 23-vjeçares, arrestohet 45-vjeçari në Tiranë

Më tej në njoftimin e policisë bëhët me dije se 45-vjeçari kishte hapur një profil fals në rrjetet sociale ku ndante pamje të vajzës të cilat ishin denigruese.

17 Janar 2024, 09:09 Nga N.F

EMRI/ I hapi profile false në rrjete sociale 23-vjeçares, arrestohet

TIRANË- 45-vjeçari, Gentian Gega është vënë në pranga pas denoncimit nga një 23-vjeçare e cila ndihej e shqetësuar pasi përndiqej nga i arrestuari.

Më tej në njoftimin e policisë bëhet me dije se 45-vjeçari kishte hapur një profil fals në rrjetet sociale ku ndante pamje të vajzës të cilat ishin denigruese.

Në një situatë të tillë vajza dhe famlijarët e saj kanë bërë kallëzim në polici të cilët më pas kanë bërë të mundur arrestimin e 45-vjeçarit.

Njoftimi i plotë:

Tiranë/Finalizohet operacioni policor i koduar "Threat 2", nga Sektori për Hetimin e Krimeve Kibernetike në DVP Tiranë, në drejtimin e Prokurorisë së Juridiksionit të Përgjithshëm Tiranë.

Përndoqi për një kohë shumë të gjatë një shtetase, duke i hapur asaj profile false në rrjete sociale, me përmbajtje denigruese, dhe duke i sjellë shqetësim asaj dhe familjarëve, pas një hetimi shumë të shpejtë dhe profesional, të specialistëve për Hetimin e Krimeve Kibernetike në DVP Tiranë, në drejtimin e Prokurorisë, me qëllim parandalimin e situatës së krijuar, vihet në pranga 45-vjeçari.

Specialistët e Sektorit për Hetimin e Krimeve Kibernetike në DVP Tiranë, pas kallëzimit të bërë nga një 23-vjeçare, se një shtetas i kishte hapur profile false në rrjete sociale, me përmbajtje denigruese, dhe e përniqte atë online për një kohë të gjatë, duke i sjellë shqetësime asaj dhe familjarëve, menjëherë organizuan punën për identifikimin dhe kapjen e autorit.

Si rezultat, pas një hetimi shumë të shpejtë dinamik dhe të mirëfilltë, në drejtimin e Prokurorisë së Tiranës, në kuadër të operacionit policor të koduar "Threat 2 ", u ndalua shtetasi G. G., 45 vjeç, banues në Tiranë.

Nga verifikimet e kryera nga specialistët e Sektorit për Hetimin e Krimeve Kibernetike, ka rezultuar se ky shtetas, duke i hapur profile false, me përmbajtje denigruese, 23-vjeçares, në rrjetet sociale, e ka përndjekur atë online për një kohë të gjatë, duke i sjellë shqetësim asaj dhe familjarëve.

Materialet procedurale për këtë rast i kaluan Prokurorisë, për veprime të mëtejshme.

tirane arrestim perndjekje