Aktualitet

Dyshohet se mblidhte informacione në interes të Shërbimit Informativ të Shqipërisë, BIA serbe arreston një person

Sipas mediave serbe, mendohet se që nga viti 2022, ai së bashku me një rrjet bashkëpunëtorësh ka mbledhur të dhëna për anëtarë të Agjencisë për Sigurinë dhe Informacionin dhe serbët në Kosovë për llogari të Shërbimit Informativ Shtetëror të Shqipërisë.

13 Janar 2024, 15:39 Nga M.B
Dyshohet se mblidhte informacione në interes të Shërbimit
Foto ilustruese

SERBIA- Një serb,i cili punon si ekspert IT është arrestuar në vendin e tij pasi dyshohet se kyente vepren e spiunazhit në interes të Shërbimit Informativ të Shqipërisë. Sipas mediave serbe, mendohet se që nga viti 2022, ai së bashku me një rrjet bashkëpunëtorësh ka mbledhur të dhëna për anëtarë të Agjencisë për Sigurinë dhe Informacionin dhe serbët në Kosovë për llogari të Shërbimit Informativ Shtetëror të Shqipërisë.

Mësohet se pjesëtarët e BIA-s serbe gjetën një aparat fotografik dhe një panel diellor që furnizonte kamerën, si dhe një kartë SD. Kamera është gjetur në afërsi të fshatit Karadak, afër Rashkës.

"Agjencia për Sigurinë dhe Informacionit BIA do të vazhdojë të bëjë punën e saj dhe nuk ka dyshim se në territorin e Serbisë është rritur ndikimi dhe prania e agjencive të ndryshme të inteligjencës dhe të gjitha agjencive të tjera nga jashtë", tha presidenti i Serbisë, Aleksandar Vuçiç pas arrestimit në fjalë.

serbia shqiperia sherbimi sekret

Sondazh

Poll

MË SHUMË