Aktualitet

"Ndikojnë në të drejtat e gazetarëve", SafeJournalist letër Dumanit: Vendimet e SPAK ndaj Elton Qynos, precedent alarmant

Përmes letrës së tyre ata i kanë kërkuar SPAK-ut të rivlerësojë qasjen e tij në këtë rast.

10 Janar 2024, 18:18 Nga r.ll
"Ndikojnë në të drejtat e gazetarëve",
elton qyno

TIRANË- Rrjeti SafeJournalists, Organizatat Partnere të Platformës MFRR dhe RSF i kanë dërguar një letër të hapur kreut të SPAK në Shqipëri, Altin Dumanit në lidhje me vendimet e marra ndaj gazetarit Elton Qyno.

Sipas SafeJournalist, veprimet e kryera ndaj gazetarit Qyno, që përfshijnë kontrollin e banesës dhe zyrës së tij, sekuestrimin e pajisjeve personale dhe profesionale, përbëjnë një precedent shqetësues. Masa të tilla do të ndikojnë në të drejtat e gazetarëve dhe lirinë e medias në Shqipëri dhe më gjerë.

Përmes letrës së tyre ata i kanë kërkuar SPAK-ut të rivlerësojë qasjen e tij në këtë rast. Kthimi i pajisjeve të sekuestruara gazetarit dhe ndërprerja e të gjitha përpjekjeve për të zbuluar burimet e tij do të tregonte mirëkuptim, respektim dhe mbrojtje të lirisë së medias dhe mbrojtjes së burimeve gazetareske në Shqipëri. Kjo qasje do të përputhej me standardet e vendosura nga Gjykata Evropiane e të Drejtave të Njeriut dhe entitete të tjera ndërkombëtare të dedikuara për lirinë e medias.

Në fund i bëjnë thirrje SPAK-ut të ketë prioritet mbrojtjen e burimeve gazetareske, gjë që është thelbësore për ruajtjen e lirisë së shtypit dhe parimeve demokratike. Marrëdhënia e besimit midis gazetarëve, burimeve të tyre, publikut dhe zbatimit të ligjit varet shumë nga respektimi dhe ruajtja e këtyre vlerave.  

"Ndikojnë në të drejtat e gazetarëve",
kerkesa

elton qyno altin dumani

Sondazh

Poll

MË SHUMË