Aktualitet

Atentati mafioz në Vlorë/ Sinomati u qëllua nga sedilja e pasme e 'BMW', dyshohet për vrasës me pagesë, sekuestrohen kamerat në zonë

Sinomati dyshohet se është qëlluar nga sedija e pasme e makinës 'BMW' në një distancë rreth 34-40 metra, e cila rezulton e vjedhur dhe me targa të dubluara.  Ndërkohë në pjesën e pasmet të makinës së djegur është gjetur një bllok betoni.  

9 Janar 2024, 08:57 Nga a.l
Atentati mafioz në Vlorë/ Sinomati u qëllua nga sedilja e pasme e
Gëzim Sinomati

VLORË- Detaje të reja janë zbardhur nga vrasja e 23-vjeçarit, Gëzim Sinomati dy ditë më parë në Vlorë. Hetimet e deritanishme kanë zbardhur një pjesë të dinamikës së ngjarjes. I riu u qëllua me snajper, në momentin që u pa në ballkonin e katit të tretë të banesës. 

Autorët kanë përfituar nga errësira për t'i dhënë vdekjen fatale 23-vjeçarit. Sinomati dyshohet se është qëlluar nga sedija e pasme e makinës 'BMW' në një distancë rreth 34-40 metra, e cila rezulton e vjedhur dhe me targa të dubluara.  Ndërkohë në pjesën e pasmet të makinës së djegur është gjetur një bllok betoni.  

Grupet hetimore ngrejnë dyshime se autorët kanë qenë vrasës profesionistë me pagesë të cilët pas krimit kanë planifikuar edhe fshehjen e gjurmëve. Ndërkohë hetimet vijojnë për zbardhjen  e plotë të ngjarjes, deri më tani nuk është gjetur arma dhe as gëzhoja. Sakaq janë mbledhur rreth 50 kamera sigurie të bizneseve.

Si ndodhi ngjarja? 

Ngjarja ndodhi në qytetin bregdetar rreth orës 22:05 të mbrëmjes së 7 janar 2024 në rrugën “Hajro Çakërri”, afër poliklinikës qendrore. 23 vjeçari- Gëzim Sinomati u ekzekutua në ballkonin e banesës së tij, në katin e tretë të një pallati, ku kishte dalë për të pirë një cigare. 

Sinomati është djali i Sokol Sinomatit i njohur si 'buzëderri', ish-anëtarit të bandës së Gaxhait në vitin 1997 në Vlorë i cili është arrestuar për vrasjen e një personi në vitin 2000. Ndërsa 2 vite më parë, në 3 janar të vitit 2022, xhaxhait të viktimës, Bernardo Sinomatit i vunë 150 gram lëndë plasëse tritol në makinën që e kishte parkuar në të njëjtën lagje ku mbrëmjen e sotme iu ekzekutua nipi 23 vjeçar.

Një nga pistat e hetimit është hakmarrja por dyshohet dhe ajo e trafikut të drogës apo konfliktet mes grupeve kriminale. 

gezim sinomati

Sondazh

Poll

MË SHUMË