Sport

Telenovelës "Mbappe-Real" po i vjen fundit, francezi i ka thënë po spanjolëve!

Tani mbetet për t'u parë nëse verifikohet raportimi i mediave franceze dhe vërtet ylli francez më në fund do të veshë të bardhën e Mbretëreshës.

8 Janar 2024, 01:31 Nga DOSJA

Telenovelës "Mbappe-Real" po i vjen fundit, francezi i ka

FRANCE - Seriali shumë i lavdëruar i transferimeve që ka kaluar nëpër... mijë valë me protagonistë kryesorë Parisin dhe Realin po i vjen fundi!

Gjithçka lidhet sigurisht me të ardhmen e Kylian Mbappes, që duket se është i destinuar për të shkuar në Madrid! Madje, sipas informacioneve të “Foot Mercato”, francezi këtë herë i ka thënë “po-në” e shumëpritur dhe të qartë Mbretëreshës për të veshur fanellën e skuadrës më të titulluar në sezonin e ardhshëm.

Ditët e fundit thuhet se të dy palët kanë qenë në kontakt me synimin për të rënë dakord për një marrëveshje për verën e ardhshme, megjithëse Reali ka marrë një qëndrim më të ashpër me një afat dhe një paketë më të ulët financiare për 25-vjeçarin nga sa kishte ofruar përsëri në 2022.

Megjithatë, ndryshimi i qëndrimit të Realit nuk e prishi marrëveshjen dhe të dyja palët arritën një marrëveshje për të nisur bashkëpunimin pas përfundimit të këtij sezoni.

Element i rëndësishëm është edhe fakti që Mbappe beson se për herë të parë do të largohet nga Parisi në kushte të mira, pasi ka rënë dakord me parisienët që të heqin dorë nga bonuset nëse nuk rinovon, duke i “dhuruar” klubit praktikisht një shumë mes 70 - 80 milionë euro.

Tani mbetet për t'u parë nëse verifikohet raportimi i mediave franceze dhe vërtet ylli francez më në fund do të veshë të bardhën e Mbretëreshës.

B.T (Dosja.al)

Sondazh

Poll

MË SHUMË