Bota

Çfarë po ndodh me ekonominë kineze? Ekspertët: Ky vit ishte i mjerueshëm, por 2024 do të jetë edhe më keq

Papunësia e të rinjve është bërë aq e keqe sa qeveria ndaloi publikimin e të dhënave, ndërsa kompanitë e huaja po tërhiqen për shkak të kontrollit të qeverisë

28 Dhjetor 2023, 19:11 Nga A.TH
Çfarë po ndodh me ekonominë kineze? Ekspertët: Ky vit
Foto Ilustruese

KINË- Ekonomia kineze pritej të rikuperohej shpejt në vitin 2023 dhe të rifillonte me rolin e saj si motori i padiskutueshëm i rritjes globale. Në vend të kësaj, ajo ngeci deri në pikën ku po konsiderohet si një zvarritje e prodhimit botëror nga Fondi Monetar Ndërkombëtar.

Pavarësisht problemeve të shumta, një krizë pronash, shpenzime të dobëta dhe papunësi të lartë të të rinjve, shumica e ekonomistëve mendojnë se ekonomia e dytë më e madhe në botë do të arrijë objektivin e saj zyrtar të rritjes prej rreth 5% këtë vit. Por kjo shifër është ende nën rritjen vjetore prej 6%, plus mesatarja e dekadës para pandemisë Covid, dhe viti 2024 po duket gjithnjë e më ogurzi. Sipas tyre, vendi mund të shikojë dekada stanjacioni më pas.

FMN është akoma më e zymtë për perspektivën afatgjatë. Në nëntor, ajo tha se priste që norma e rritjes së Kinës të arrijë në 5.4% në 2023 dhe gradualisht të bjerë në 3.5% në 2028. Ekonomistët përmendin disa arsye përse ekonomia e Kinës ndodhet në këtë gjendje. Së pari, ata thonë se problem mbeten huamarrja, një fenomeni që as qeveria e Xi nuk e frenoi dot. Politikat zero-Covid kanë ndikuar pasi goditi pjesët më të gjalla të ekonomisë.

Kriza e pasurive të paluajtshme është thelluar. Rënia e shitjeve të shtëpive i ka shtyrë disa zhvillues të shëndetshëm si Country Garden në prag të kolapsit. Kriza është përhapur në sektorin masiv bankar në hije, duke shkaktuar falimentime dhe duke ndezur protesta në të gjithë vendin. Qeveritë vendore po luftojnë me vështirësi financiare pas tre vitesh shpenzime për Covid dhe rënie të shitjeve të tokës. Disa qytete nuk mund të shlyejnë borxhet e tyre dhe u është dashur të shkurtojnë shërbimet bazë ose të reduktojnë përfitimet mjekësore për të moshuarit. Papunësia e të rinjve është bërë aq e keqe sa qeveria ndaloi publikimin e të dhënave. Kompanitë e huaja janë bërë të kujdesshme ndaj rritjes së kontrollit të Pekinit dhe po tërhiqen nga vendi.

Megjithatë ekspertët thonë se Kina nuk do të ketë një ecuri si ajo e Japonisë, e cila për dy dekada pësoi rritje të inflacionit. Në planin afatgjatë, problemi më i madh ekonomik mund të jetë demografia. Vitin e kaluar, popullsia e Kinës ra në 1.411 miliardë, duke shënuar, duke shënuar rënien e saj të parë që nga viti 1961. Megjithatë, sipas ekonomistëve masat që mund të marrë qeveria për të nxitur rritjen, do të jenë më tepër si qetësues se sa si një kurë për ekonominë.

fmn

Sondazh

Poll

MË SHUMË