Aktualitet

Zjarri në qendrën tregtare në Lushnje, Prokuroria e Fierit nis procedim penal për shkatërrim i pronës

Zjarri përfshiu 3 kate të qendrës tregtare “Metropol” në Lushnjë dhe u shkrumbuan 300 dyqane, me dëme materiale të pallogaritshme

27 Dhjetor 2023, 17:21 Nga I.A
Zjarri në qendrën tregtare në Lushnje, Prokuroria e Fierit nis
Zjarri ne Lushnje

FIER- Prokuroria e Fierit ka nisur procedim penal për veprën penale “Shkatërrim i pronës me zjarr” lidhur me zjarrin në tregtare në Lushnje. Zjarri përfshiu 3 kate të qendrës tregtare “Metropol” në Lushnjë dhe u shkrumbuan 300 dyqane, me dëme materiale të pallogaritshme. Nëpërmjet hetimeve që drejtohen nga ekspertë të fushave të ndryshme, do të arrihet në përfundimin për shkaqet e rënies së zjarrit. Sipas prokurorisë, hetimet po kryhen në bashkëpunim të plotë me shërbimet e policisë gjyqësore të Policisë së Shtetit

Njoftimi i Prokurorisë:

Zjarri në Qendrën tregtare ‘Metropol Center’, Prokuroria Fier regjistron procedimin penal për veprën penale “Shkatërrimi pronës me zjarr”. Prokuroria pranë Gjykatës së Shkallës së Parë Juridiksionit të Përgjithshëm Fier informon publikun se për ngjarjen e ndodhur në qendrën tregëtare “Metropol  Center”, lagjia “Çlirimi”, Lushnjë, ka regjistruar procedimin penal nr. 1846/2023, për veprën penale “Shkatërrimi i pronës me zjarr”, parashikuar nga neni 151 i Kodit Penal. Prokurorja e gatshme ka shkuar menjëherë në vendngjarje ku dhe janë kryer veprimet e para hetimore.

Është ngritur grupi hetimor i përbërë nga ekspertë të fushave të ndryshme dhe grup oficerësh të policisë gjyqësore nën drejtimin e Prokurores. Hetimet po kryhen në bashkëpunim të plotë me shërbimet e policisë gjyqësore të Policisë së Shtetit. Me administrimin e akteve proceduriale dhe akteve të ekspertimit do të konkludohet mbi shkakun e rënies së zjarrit dhe vatrës fillestare. Prokuroria Fier është plotësisht e angazhuar për të zbardhur shkaqet e kësaj ngjarje me pasoja të konsiderueshme për pronën, shëndetin dhe sigurinë e shtetasve.

zjarr ne lushnje

Sondazh

Poll

Aktualitet 27 Dhjetor 2023, 17:04 Esmeralda Topi

Ushqime më të shtrenjta se në Europë

Tregu TIRANË- Këtë fundvit, Shqipëria rezulton një nga vendet me inflacionin më të lartë në Europë. Ndrys...

MË SHUMË