Aktualitet

Trafikoi në Shqipëri një automjet të vjedhur nga jashtë, arrestohet 26-vjeçari në Tiranë

Arrestimi i të riut, banues në Itali u  krye në kuadër të operacionit policor "Nord"

23 Dhjetor 2023, 09:25 Nga DOSJA
Trafikoi në Shqipëri një automjet të vjedhur nga
automjeti

TIRANË- Një 26-vjeçar është arrestuar në Tiranë, pasi trafikoi në Shqipëri një makinë tip "BMW" të vjedhur në Norvegji.

Arrestimi i të riut, banues në Itali u  krye në kuadër të operacionit policor "Nord". Makina u sekuestrua nga policia në cilësinë e provës materiale.

NJOFTIMI I POLICISË:

Tiranë/Finalizohet nga Seksioni për Hetimin e Trafiqeve të Paligjshme në DVP Tiranë dhe Komisariati i Policisë Rrugore Tiranë, operacioni policor i koduar "Nord".

Trafikoi në Shqipëri, një automjet të vjedhur në Norvegji, kapet dhe vihet në pranga 26-vjeçari.

Sekuestrohet në cilësinë e provës materiale, automjeti tip "BMW", i vjedhur.

Specialistët e Seksionit për Hetimin e Trafiqeve të Paligjshme në DVP Tiranë, në bashkëpunim me Komisariatin e Policisë Rrugore Tiranë, në vijim të punës për goditjen e paligjshmërisë, bazuar dhe në informacionet e siguruara në rrugë operative, për një shtetas që kishte trafikuar në vendin tonë, një automjet të vjedhur, organizuan dhe finalizuan me sukses operacionin policor të koduar "Nord".

Në kuadër të këtij operacioni u arrestua shtetasi G. T., 26 vjeç, banues në Itali.

Nga veprimet hetimore të kryera ka rezultuar ss 26-vjeçari i arrestuar, ka blerë në mënyrë të jashtligjshme, një automjet tip "BMW", të dyshuar të vjedhur në Norvegji, dhe më pas e ka trafikuar atë, në vendin tonë.

Në cilësinë e provës materiale është sekuestruar automjeti tip "BMW".

Vijon puna për dokumentimin e rasteve të tjera të trafikimit të mjeteve, që mund të jenë kryer nga ky shtetas, dhe për identifikimin e shtetasve të tjerë të përfshirë në këtë veprimtari kriminale.

Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale.

tirane

Sondazh

Poll

MË SHUMË