Aktualitet

Piktura dhe ikona të vjedhura/ Gjykata e Fierit cakton masën e sigurisë për dy të arrestuarit, avokati: Janë të varfër!

Avokati Ermal Hamataj ka pohuar se e gjitha është një show që ka nisur nga Drejtoria e Policisë Fier duke arrestuar persona te paarsimuar, në kushte ekstreme te varfërisë që nuk dinë vlerën e ikonave e jo me të merren me trafikimin e tyre.

21 Dhjetor 2023, 11:12 Nga Dosja.al
Piktura dhe ikona të vjedhura/ Gjykata e Fierit cakton masën e
Pikturat

TIRANË- “Arrest me  burg” ka dhënë gjyqtarja e Fierit mëngjesin e sotëm si masë e sigurimit për Shpëtim Kalemi dhe Pandeli Petani, të cilët u ndaluan në kuadër të operacionit policor të koduar “Vlera” ku u gjetën e sekuestruan piktura dhe ikona me vlerën e 1.5 milionë eurove. Gjyqtare e çështjes është Miranda Nakaj, prokuror Elvis Alliaj ndërkohë që i akuzuari Kalemi mbrohet nga Ermal Hamataj kreu i dhomës së avokatisë Fier.

Në seancën e zhvilluar i pandehuri Kalemi ka paraqitur kuponat e blerjes dhe zhdoganimit dhe ka mohuar akuzat. Gjyqtaria Miranda Nakaj pasi ka dëgjuar akuzën dhe mbrojtjen ka vendosur që të dy shtetasve t’u jepet masa arrest me burg.

Avokati Ermal Hamataj ka pohuar se e gjitha është një show që ka nisur nga Drejtoria e Policisë Fier duke arrestuar persona te paarsimuar, në kushte ekstreme te varfërisë që nuk dinë vlerën e ikonave e jo me të merren me trafikimin e tyre.

Sondazh

Poll

MË SHUMË