Bota

Gjykata në Poloni dënon me burg 14 spiunë rus

Sipas mediave polake, pagesa varionte midis 300 dhe 10,000 dollarë, ose midis 273 dhe 9,112 euro.

19 Dhjetor 2023, 19:06 Nga A.TH
Gjykata në Poloni dënon me burg 14 spiunë rus
Poloni

POLONI- 14 shtetas të Rusisë, Bjellorusisë dhe Ukrainës u shpallën fajtorë për spiunazh nga një Gjykatë në Poloni. Gjykata i shpalli fajtorë të pandehurit, të cilët nuk ishin të pranishëm në sallën e gjyqit, po pranuan akuzat për përgatitjen e propagandës, sabotazhit dhe operacioneve të mbledhjes së inteligjencës në emër të Rusisë kundër Polonisë.

Gjykatësi Jaroslaw Kowalski tha se disa prej tyre operonin brenda një grupi të organizuar kriminal, duke iu referuar një rrjeti spiunazhi që tanimë është çmontuar. Ndër operacionet e përgatitura, në bazë të të cilëve u ngritën padi muajin e kaluar, ishin përpjekja për të prishur autokolonat e ndihmave të destinuara për Ukrainën dhe mbikëqyrja e objekteve dhe posteve ushtarake si dhe infrastrukturës thelbësore në Poloni.

Aktet e sabotimit synonin gjithashtu të ngjallnin urrejtje kundër Ukrainës dhe polakëve përmes propagandës. Dënimet variojnë nga një muaj deri në gjashtë vjet burg. Dy anëtarë të tjerë të dyshuar të rrjetit, të vetmit që tërhoqën deklaratat e tyre fillestare të fajësisë, do të gjykohen veçmas.

“Megjithëse identiteti i plotë i të pandehurve nuk u zbulua, grupi përfshinte dy avokatë ukrainas dhe një shkencëtar politik, një mësues francez, një teknik farmaceutik dhe një inxhinier kompjuteri”, shkruante gazeta Rzeczpospolita.

Hetuesit zbuluan se anëtarët e rrjetit merrnin udhëzime përmes Telegram, një aplikacion i koduar i mesazheve dhe paguheshin në kriptovaluta. Sipas mediave polake, pagesa varionte midis 300 dhe 10,000 dollarë, ose midis 273 dhe 9,112 euro.

poloni

Sondazh

Poll

MË SHUMË