Aktualitet

'Iu bë presion'/ Shefja e OSBE-së 'e tronditur' për rastin e Elton Qynos: Konfidencialiteti i burimeve, të mbrohet rreptësisht nga ligji

Në një postim në faqen zyrtare të saj në platformën 'X', Ribiero shprehet se konfidencialiteti i burimeve gazetareske është kyç për lirinë e medias dhe duhet të mbrohet rreptësisht nga ligji dhe çdo praktikë tjetër.

18 Dhjetor 2023, 22:12 Nga a.l
'Iu bë presion'/ Shefja e OSBE-së 'e tronditur'
Elton Qyno dhe Teresa Ribeiro

Përfaqësuesja më lartë e OSBE-së për Lirinë e Medias, Teresa Ribeiro ka reaguar e shqetësuar për rastin e paprecedentë të ndodhur ndaj gazetarit të “Ora News” Elton Qyno të cilit iu kërkua dorëzimi i burimeve të informacioneve të lajmeve që ai publikon. Po ashtu prokuororët e SPAK urdhëruan kontrollin e banesës dhe më pas sekuestrimin e sendeve të tij të punës.

Në një postim në faqen zyrtare të saj në platformën 'X', Ribiero shprehet se konfidencialiteti i burimeve gazetareske është kyç për lirinë e medias dhe duhet të mbrohet rreptësisht nga ligji dhe çdo praktikë tjetër.

“Të tronditur që në Shqipëri gazetarit Elton Qyno iu bë presion për disa orë për të zbuluar burimet e tij pasi autoritetet i kontrolluan shtëpinë dhe zyrën, duke i sekuestruar pajisjet. Konfidencialiteti i burimeve gazetareske është kyç për lirinë e medias dhe duhet të mbrohet rreptësisht nga ligji dhe çdo praktikë tjetër”, thekson përfaqësuesja më lartë e OSBE-së për Lirinë e Medias, Teresa Ribeiro në reagimin e saj.

'Iu bë presion'/ Shefja e OSBE-së 'e tronditur'
Postimi

elton qyno teresa ribeiro

Sondazh

Poll