Aktualitet

‘A e njihni Engjëll Agaçin?’/ Mirel Mërtiri: Njoh politikanë, por sot nuk do flas me emra të përveçëm

Po ashtu ai ka theksuar se ka njohje me shumë politikanë në vend, por nuk preferoi që të fliste me emra.

18 Dhjetor 2023, 21:31 Nga I.A
‘A e njihni Engjëll Agaçin?’/ Mirel Mërtiri: Njoh
Mirel Mertiri

TIRANË- Mirel Mërtiri, i njohur si pronari i inceneratorëve, ka folur për atë që njihet si afera e shekullit. I ftuar në emisionin "Çim Peka LIVE" në Syri Tv Mërtiri tha se familja e tij është pronare e përkohshme e impiantit të përpunimit të mbetjeve në Elbasan. Po ashtu ai ka theksuar se ka njohje me shumë politikanë në vend, por nuk preferoi që të fliste me emra.

"Unë dua t’ju bëj një pyetje: si është e mundur që në legjislacionin shqiptar, fjala pronar “de facto” nuk ekziston? A mund të më përcaktoni ju se çfarë do të thotë pronar de facto? Fjala pronar është e mirëcaktuar në legjislacion. Unë sot dhe familja ime, dhe gjithë rrethi im shoqëror, akuzohet për akte dhe veprime të pakryera ndonjëherë nga ne. Nëse do i marrim të gjithë impiantet me radhë, mund t’u kthej përgjigje për secilin prej tyre. E nisim me Elbasanin. Pozicioni im është shumë i qartë dhe i thjeshtë, familja ime është pronare e përkohshme e impiantit të përpunimit të mbetjeve në Elbasan. Shoqëria Albtek është në shoqëri, e cila duhej të ekzistonte në administrim të familjes sime vetëm për 7 vjet. Është e përcaktuar qartësisht në kontratë. Në përfundim të vitit të 7, shoqëria dhe kontrata i kalonte në menaxhim shtetit shqiptar, përkatësisht Ministrisë së Energjetikës dhe në vijim, Bashkisë së Elbasanit. E para nuk është një tender, e dyta nuk është një kompani në pronësi. E treta, shoqëritë që kanë marrë pjesë në ndërtimin e këtij impianti janë me eksperiencë disavjeçare në shtetin italian. Albtek është një kompani në pronësi të familjes sime vetëm përkohësisht. Unë flas sipas kushteve që ka kontrata të përcaktuara,’ tha Mërtiri.

Më pas i pyetur nga Belind Këlliçi nëse e njeh Engjëll Agaçin, Mërtiri tha se nuk e njeh personalisht dhe as nuk e ka takuar atë.

‘Të jetosh në Shqipëri, patjetër që do kesh marrëdhënie me politikanë shqiptare sepse është jeta specifike, sepse jemi njerëz, jemi qenie njerëzore. Zoti Këlliçi, ju po i filloni bisedën me emra të përveçëm, gjë që të cilën unë nuk kam për ta bërë sonte. Nuk flas me emra të përveçëm për një arsye. Nuk është korrekte kur ka hetime të caktuara, të devijuara, nga SPAK kundër familjarëve të mi, nuk mund të ndodhë. Po ju jap përgjigje tani për zotin Agaçi, as nuk e njoh, as nuk e kam takuar dhe as nuk e di se çfarë bën në jetën e tij,’ tha Mërtiri.

engjëll agaçi mirel mërtiri

Sondazh

Poll

MË SHUMË