Sport

Arsenali po shqyrton mundësinë e një lëvizjeje të një sulmuesi të Serisë A

"Topçinjtë" do të ofrojë mesfushorin e ri Charlie Patino, në marrëveshje për të nënshkruar me Boulaye Dia nga Salernitana

16 Dhjetor 2023, 09:00 Nga DOSJA

Arsenali po shqyrton mundësinë e një lëvizjeje të

ANGLI - Sipas informacioneve të medias “Salernonotizie”, senegalezi Boulaye Dia është objekt i interesimit të Arsenalit.

“Topçinjtë” po kërkojnë të nënshkruajnë me një sulmues në afatin kalimtar të janarit. Dhe ata janë të gatshëm t'i ofrojnë Charlie Patino, si dhe 13 milion £, në një marrëveshje për të nënshkruar me sulmuesin 27-vjeçar, i cili ka luajtur në një nivel të mirë në Serie A.

Boulaye Dia ka performuar shumë mirë, që kur iu bashkua Salernitana. Ndërkombëtari senegalez u fut në skenën e futbollit gjatë qëndrimit të tij tre vjeçar te Reims. Ai u nënshkrua nga Villarreal në vitin 2021, pasi nuk arriti të bënte përshtypje me "nëndetësen e verdhë".

Salernitana e nënshkroi atë në formë huazimi në gusht të vitit 2022. Senegalezi gëzoi një periudhë të shkëlqyer huazimi në klubin e Serie A dhe Salernitana e nënshkroi atë përgjithmonë verën e kaluar. Në këtë sezon, futbollisti ka shënuar 4 gola në 13 ndeshje për klubin nga Salerno.

Arsenali do të jetë në kërkim të një sulmuesi të ri në janar, pasi është lidhur me Ivan Toney dhe Dusan Vlahovic. Interesimi i ekipit për Boulaye Dia është befasues. Megjithatë, “Topçinjtë” kanë një plan për të tërhequr lojtarin për një shumë të ulët.

Ata do të ofrojnë 13 milionë paundë për Salernitanan, si dhe mesfushorin Chaly Patino. Mbetet për t'u parë nëse Salernitana do të pajtohej me një marrëveshje të tillë në fillim të vitit 2024.

B.T (Dosja.al)

Sondazh

Poll

MË SHUMË