Bota

Ekstremistët e djathtë gjerman akuzohen për grusht të dhunshëm shteti

Prokurorët kanë akuzuar 27 personat për planifikim të përmbysjes së sistemit politik demokratik të Gjermanisë.

12 Dhjetor 2023, 16:56 Nga h.k
Ekstremistët e djathtë gjerman akuzohen për grusht të
Foto ilustruese

GJERMANI-Prokurorët gjermanë kanë akuzuar 27 ekstremistë të dyshuar të ekstremit të djathtë për planifikimin e një grushti të dhunshëm shteti. Të dyshuarit akuzohen për anëtarësim në lëvizjen e skajshme Reichsbürger ose Qytetarët e Rajhut.

"Anëtarët e grupit kundërshtuan me forcë institucionet shtetërore dhe rendin e lirë kushtetues demokratik", thuhet në aktakuzë, sipas raportimit të BBC.

Ata janë kryesisht bashkëpunëtorë të Heinrich XIII Princit Reuss, një figurë e Reichsbürger nga një familje aristokrate. Prokurorët kanë akuzuar 27 personat për planifikim të përmbysjes së sistemit politik demokratik të Gjermanisë. U bënë përgatitje konkrete për një grusht shteti duke filluar në verën e 2021.

Plani ishte të merrej pushteti duke pushtuar Bundestagun, parlamentin gjerman, me një grup të vogël personeli të armatosur. Sulmi do të niste pas marrjes së një sinjali, siç është vdekja e Mbretëreshës Elizabeth II. 

Princi Reuss ishte planifikuar të ishte kreu i shtetit. Me marrjen e detyrës, ai do të negocionte një traktat paqeje me fuqitë aleate që fituan Luftën e Dytë Botërore. Princi Reuss u përpoq të takonte përfaqësuesit e qeverisë ruse për të fituar mbështetje për grushtin e shtetit, sipas prokurorëve.

Birgit Malsack-Winkemann, në atë kohë një anëtare e Bundestagut për partinë e ekstremit të djathtë Alternativa për Gjermaninë, do të ishte bërë ministre e drejtësisë. Prokurorët thanë se ajo i dha akses në ndërtesat parlamentare bashkëpunëtorëve të tjerë.

Rebelët e mundshëm dyshohet se kanë tentuar të rekrutojnë ushtarë dhe oficerë policie. Grupi kishte hartuar listat e armiqve. Anëtarët ishin të vetëdijshëm se planet e tyre do të rezultonin në vrasjen e njerëzve, sipas aktakuzës.

Anëtarët u detyruan të nënshkruanin një deklaratë të fshehtësisë. Shkelësit do të ishin ekzekutuar për tradhti të lartë. Komplotuesit e dyshuar kishin akses në rreth 380 armë zjarri dhe 148,000 fishekë municionesh.

Disa nga të akuzuarit u arrestuan në bastisjet e policisë federale dhjetorin e kaluar. Sipas Zyrës për Mbrojtjen e Kushtetutës, agjencia e brendshme e inteligjencës gjermane, ka rreth 23,000 ndjekës të lëvizjes Reichsbürger në vend.

gjermani ekstremi i djathte

Sondazh

Poll

MË SHUMË