Bota

Tre ish-ushtarë japonezë dënohen me burg për një rast historik sulmi seksual

12 Dhjetor 2023, 09:10 Nga a.l

Tre ish-ushtarë japonezë dënohen me burg për një rast

JAPONI- Një gjykatë në Japoni ka shpallur fajtorë tre ish-ushtarë për sulm seksual ndaj një kolegeje femër, në një rast që ka thyer tabutë dhe ka sjellë çështjen e dhunës seksuale në plan të parë në shoqërinë e dominuar nga meshkujt, shkruajnë mediat e huaja. Gjykata në Fukushima dënoi sot tre burrat, Shutaro Shibuya, Akito Sekine dhe Yusuke Kimezawa, me nga dy vjet burgim.

Vendimi historik vjen pasi Rina Gonoi, 24 vjeçe, tërhoqi vëmendjen ndërkombëtare kur publikoi historinë e saj në YouTube në 2022. Prokurorët e qytetit japonez, Fukushima, më pas ngritën akuza kundër tre burrave në mars, duke anuluar vendimin e tyre të mëparshëm. Japonia është një shoqëri thellësisht konservatore ku të folurit kundër dhunës seksuale mbetet një tabu.

Videoja e saj në YouTube u bë virale vitin e kaluar dhe ajo mblodhi më shumë se 100,000 firma për një peticion që i bënte thirrje ministrisë së mbrojtjes të hetonte rastin e saj. Më vonë, ministria i kërkoi falje asaj dhe nisi një hetimin që çoi në shpalljen fajtor të 3 ish ushtarëve.

Gonoi ka ngritur gjithashtu një padi civile kundër pesë autorëve dhe qeverisë japoneze, duke kërkuar 5.5 milion jen (40,000 dollarë; 32,000 £) dëmshpërblim nga burrat për shkaktimin e shqetësimit të saj mendor dhe 2 milion shtesë nga shteti për dështimin e tij, për të parandaluar abuzimin.

rina gonoi shutaro shibuya akito sekine yusuke kimezawa