Aktualitet

"Nipi i mitur doli pas shtëpisë dhe telefonoi policinë"/ Grabitja në Prush, dy nga autorët u ngjitën në mal

Orët e para të mëngjesit të sotëm policia ka shoqëruar mbi 10 persona.

10 Dhjetor 2023, 13:51 Nga A.B
"Nipi i mitur doli pas shtëpisë dhe telefonoi
Banesa

TIRANË- Raportohet se kanë qenë 5 persona që tentuan të kryenin grabitjen në Prush, aty ku brenda banesës kanë qenë dy të moshuar dhe dy nipërit e mitur, një vajzë dhe një djalë.

Ka qenë pikërisht djali i mitur, nipi i familjes që ka mundur të dalë pas shtëpisë dhe ka njoftuar policinë. Një patrullë me dy efektivë kanë mbërritur shumë shpejt teksa grabitësit kanë qenë ende në banesë. Kur ka ardhur policia ka tentuar t'i ndalojë, por dy prej grabitësve janë larguar në mal dhe kanë qëlluar ndaj efektivëve të policisë duke u rrezikuar jetën.

Ndërkohë 3 grabitësit e tjerë janë përplasur me efektivët. Njëri efektiv është përplasur me makinë gjatë largimit, dhe për pasojë është dashur edhe ndërhyrja mjekësore, por fatmirësisht nuk ka pasur dëmtime serioze. Në banesë grabitësve u kanë rënë edhe levat që kishin marrë për të kryer këtë grabitje. Orët e para të mëngjesit të sotëm policia ka shoqëruar mbi 10 persona.

Targat kanë qenë të kopjuara ashtu si rasti i grabitjes në qytetin e Kamzës./Dosja.al

grabitje ne tirane tirane

Sondazh

Poll

MË SHUMË