Politike

Bardhi: Grupi i PD-së i bashkuar, po punon për një projekt të përbashkët politik

Bardhi ka thënë se grupi i deputetëve të PD-së do të vijojë të jetë i bashkuar në parlament dhe se janë duke punuar për të gjetur zgjidhje brenda forcës politike që përfaqësojnë.

7 Dhjetor 2023, 22:00 Nga I.A
Bardhi: Grupi i PD-së i bashkuar, po punon për një projekt
Gazment Bardhi

TIRANË- Kryetari i grupit parlamentar të PD-së, Gazment Bardhi shprehet se grupi i Partisë Demokratike është i bashkuar dhe se është duke punuar për një projekt të përbashkët politik. Në një lidhje direkte për emisionin “Opinion” në Tv Klan, Bardhi ka thënë se grupi i deputetëve të PD-së do të vijojë të jetë i bashkuar në parlament dhe se janë duke punuar për të gjetur zgjidhje brenda forcës politike që përfaqësojnë.

"Jemi bashkarisht duke punuar dhe do të gjejmë zgjidhje për të bashkuar PD-në. Sa herë kam dalë në studio, ju kam bërë thirrje deputetëve që të bashkohemi të gjithë bashkë kundër kundërshtarit tonë politik, që në rastin konkret është Edi Rama. Nuk do të më dëgjoni kurrë të futem në konflikt me partnerët tanë ndërkombëtarë që kanë kontribuar për bashkimin e Shqipërisë. Zgjidhja për partinë, do të jeni të sigurtë që me pjekurinë që keni treguar me faktin që shumica e deputetëve të PD-së janë ndërgjegjësuar që të ndarë, i fituar është vetëm Edi Rama. Për mua nuk ka asgjë më shumë rëndësi se bashkimi i PD-së. Unë mbaj përgjegjësi për veprimet e mia politike. Kam deklaruar se është i nevojshëm bashkimi i opozitës do të vazhdoj të punoj për këtë. Grupi i PD-së është bashkuar para se të niste ky aksion dhe do të vazhdojë të jetë i bashkuar. Ai grup deputetësh që është bashkuar, do të vijojë të jetë i bashkuar në parlament. I njëjti grup është duke punuar për një projekt të përbashkët politik. Të jeni të sigurtë se shumë shpejt të njiheni me një projekt të përbashkët politik të këtij fronti opozitar," tha Bardhi.

gazment bardhi

Sondazh

Poll

MË SHUMË