Bota

Operacionet izraelite rrethojnë Gazën, tanket ushtarake godasin kampin e refugjatëve Jabalia

Autoriteti lokal i drejtuar nga Hamasi tha se rreth 100,000 njerëz janë ende në kamp pa një spital funksional dhe në rrezik nga uria. 

7 Dhjetor 2023, 11:03 Nga r.ll
Operacionet izraelite rrethojnë Gazën, tanket ushtarake godasin kampin
foto nga gaza

GAZË- Ndërsa fokusi i operacionit tokësor izraelit duket të jetë në jug, veriu nuk është harruar pasi qindra predha tankesh goditën kampin e refugjatëve Jabalia.

Situata në kampin më të madh të refugjatëve është tmerrësisht e vështirë, tanket izraelite po rrethojnë zonën me popullsi të dendur. Autoriteti lokal i drejtuar nga Hamasi tha se rreth 100,000 njerëz janë ende në kamp pa një spital funksional dhe në rrezik nga uria. 

Asnjë ndihmë nuk ka arritur në veri që kur armëpushimi humanitar është shembur, shumë pak ushqime dhe karburante janë lejuar gjatë armëpushimit. Pesëdhjetë e gjashtë vjeçarja Hanan Alturok, nënë e tetë fëmijëve, jeton afër Jabalias. Ajo i tha BBC-së: “Gjatë armëpushimit ne u transferuam në spital, menduam se ishte më i sigurt se shtëpia ime, por dje predhat po binin brenda vendit dhe ne u desh të iknim nën zjarr. Burri im Maher u vra më 29 nëntor kur po përpiqej të blinte ushqim nga tregu vendas, nuk di çfarë të bëj apo ku të shkoj, nuk kam para, nuk kam ushqim dhe shumë pak ujë të pijshëm. Kam frikë se fëmijët e mi do të vdesin nga uria."

Drejtori i përgjithshëm i Ministrisë së Shëndetësisë të drejtuar nga Hamasi, Dr Munir Al-Bursh, tha: “Dje, ne gërmuam një varr masiv në tregun Jabalia për më shumë se 100 martirë, trupat e të cilëve u kalbën në spitalin e rrethuar Kamal Adwan.

Të gjithë spitalet veriore janë jashtë shërbimit, duke përfshirë spitalin e fundit funksional, Kamal Adwan, i cili u bombardua rëndë nga predha artilerie.

konflikti izrael-palestine

Sondazh

Poll

MË SHUMË