Bota

Përmbytje në Tanzani, 47 persona humbin jetën dhe 85 u plagosën nga rrëshqitjet e dheut

Presidentja e Tanzanisë, Samia Suluhu Hassan, në Dubai për konferencën e klimës Cop28, dërgoi ngushëllimet e saj dhe tha se kishte urdhëruar vendosjen e më shumë përpjekjeve të qeverisë për të shpëtuar njerëzit.

4 Dhjetor 2023, 15:36 Nga r.ll
Përmbytje në Tanzani, 47 persona humbin jetën dhe 85 u
foto nga permbytjet

TANZANI- Të paktën 47 persona kanë humbur jetën dhe 85 të tjerë janë plagosur nga rrëshqitjet e dheut të shkaktuara nga përmbytjet në veri të Tanzanisë, ka thënë një zyrtar lokal, ku paralajmëroi se numri do të rritet.

Reshjet e dendura të shiut goditën të shtunë qytetin Katesh, 300 km në veri të kryeqytetit, Dodoma, tha të dielën komisioneri i qarkut Janeth Mayanja, raporton The Guardian.

Mayanja shtoi se shumë rrugë në zonë ishin bllokuar nga balta, uji dhe pemët dhe gurët. Thuhet se bagëtia gjithashtu ishte prekur. Presidentja e Tanzanisë, Samia Suluhu Hassan, në Dubai për konferencën e klimës Cop28, dërgoi ngushëllimet e saj dhe tha se kishte urdhëruar vendosjen e më shumë përpjekjeve të qeverisë për të shpëtuar njerëzit.

Pamjet e transmetuara në televizionin shtetëror, TBC, treguan shumë shtëpi të përmbytura dhe automjete të bllokuara në baltë të dendur. Pas përjetimit të një thatësire të paprecedentë, Afrika Lindore është goditur nga disa javë shiu të rrëmbyeshëm dhe përmbytje. Reshjet kanë zhvendosur më shumë se 1 milion njerëz në Somali dhe kanë lënë qindra të vdekur. Në maj, shirat e rrëmbyeshëm shkaktuan përmbytje shkatërruese dhe rrëshqitje të dheut në Ruandë që vranë të paktën 130 njerëz.

Përkeqësimi i klimës po shkakton ngjarje më intensive dhe më të shpeshta ekstreme të motit, thonë shkencëtarët. Si përgjigje, liderët afrikanë po bëjnë presion për taksa të reja globale dhe ndryshime në institucionet financiare ndërkombëtare për të ndihmuar në financimin e veprimeve mbi krizën klimatike.

permbytje ne tanzani

Sondazh

Poll

MË SHUMË