Sport

Premier League / Me shumë vështirësi Chelsea fiton përballë Brighton!... (video)

Fitore e “çmendur” e Liverpool ndaj Fulham në “Anfield”, në javën e 14-të të Premier League. “The Reds” triumfuan me rezultatin 4-3 në një ndeshje shumë të luftuar.

3 Dhjetor 2023, 17:39 Nga DOSJA
Premier League / Me shumë vështirësi Chelsea fiton

ANGLI - Chelsea bind me dhjetë lojtarë ndaj Brighton, në sfidën e vlefshme për javën e 14-të të Premier League, që u mbyll me rezultatin 3-2. Sfida u zhbllokua në minutën e 17-të me Fernandez që shënoi golin e avantazhit të vendasve, teksa në minutën e 21-të Colwill dyfishoi avantazhin.

Miqtë tentuan që të reagojnë dhe në minutën e 43-të Buonanotte gjeti golin dhe ngushtoi diferencën. Ndërsa në minutën e 45-të Gallagher mori kartonin e dytë të verdhë dhe la “Blutë e Londrës” me dhjetë lojtarë. Ndonëse në inferioritet numerik Chelsea gjeti sërish rrugën drejt rrjetës, me Fernandez që shënoi nga pika e bardhë e penalltisë.

Minuta në këtë sfidë pati edhe për sulmuesin shqiptar, Armando Broja që u aktivizua në vend të Mudryk në minutën e 81-të. Rezultatin e këtij takimi e vulosën “pulëbardhat” në minutën e 90-të +2, me Joao Pedro që realizoi golin e dytë, me një fund sfide që rezultoi shumë i tensionuar.

Pas javës së 14-të, Chelsea renditet në vend të 10-të me 19 pikë, teksa Brighton rendite në vend të tetë me 22 pikë.

Fitore e “çmendur” e Liverpool ndaj Fulham në “Anfield”, në javën e 14-të të Premier League.  “The Reds” triumfuan me rezultatin 4-3 në një ndeshje shumë të luftuar. Vendasit zhbllokuan takimin në minutën e 20-të me Alexander-Arnold, megjithatë vetëm katër minuta më pas miqtë barazuan me Wilson.

Në minutën e 38-të Liverpool rimori avantazhin, me Mac Allister që realizoi golin e dytë për skuadrën e tij. Pjesa e parë u vulos nga Tete që shënoi golin e barazimit për Fulham në minutën e 45-të +3. Miqtë vazhduan me sulmet dhe në pjesën e dytë dhe në të 80-tën ata shënuan golin e tretë me De Cordova-Reid dhe morën avantazhin. Megjithatë në minutën e 87-të Endo barazoi, ndërsa vetëm një minutën më pas Alexander-Arnold realizoi golin e triumfit. 4-3 dhe Liverpool ngjitet momentalisht në vend të dytë me 31 pikë, teksa Fulham renditet në vend të 14-të me 15 pikë.

Bournemouth-Aston Villa u ndanë me barazimin 2-2, me golat që për vendasit u realizuan nga Semenyo 10’ dhe Solanke 52’, teksa për miqtë shënuan Bailey (20’) dhe Watkins (90’). Pas javës së 14-të Bournemouth renditet në vend të 16-të me 13 pikë, teksa Aston Villa në vend të katërt me 29 pikë.

West Ham-Crystale Palace ndahen me barazimin 1-1, me golin që për vendasit e realizoi Kudus në minutën e 13’, teksa për miqtë shënoi Edouard në minutën e 53-të. Pas javës së 14-të të Premier League, West Ham rendite në vend të 9 me 21 pikë, teksa Crystal Palace në vend të 12-të me 16 pikë.

B.T (Dosja.al)

Sondazh

Poll

MË SHUMË