Sport

Leo Messi për Kupën e Botës 2026: "Dua të jem atje"

Edhe pse e kupton se do ta ketë të vështirë të garojë në moshën 39-vjeçare, argjentinasi Lionel Messi shpreh për herë të parë dëshirën për të luajtur në Botërorin 2026.

2 Dhjetor 2023, 08:30 Nga DOSJA
Leo Messi për Kupën e Botës 2026: "Dua të jem

SHBA - Një vit pas titullit të tij botëror me Argjentinën, Lionel Messi shpreh dëshirën për të marrë pjesë në Kupën e Botës 2026 këtë të premte në mbrëmje. 

I pyetur në kanalin argjentinas “Star +”, kapiteni i ‘Albiceleste’ pranoi se donte "më shumë se kurrë", por se "duke qenë realist, do të jetë e vështirë" të garojë në Botërorin e ardhshëm që do të zhvillohet në Shtetet e Bashkuara, në Kanada dhe Meksikë.

“E vetmja gjë për të cilën po mendoj sot është të shkoj në Copa America”. Ky kompeticion, të cilin ai e fitoi me Argjentinën, në vitin 2021, do të zhvillohet në qershor-korrik në Shtetet e Bashkuara të Amerikës, ku tani luan Messi. 

“Më pas, koha do ta tregojë nëse jam apo jo në Kupën e Botës 2026. Do të arrij një moshë (39 vjeç), e cila, normalisht, nuk do të më lejonte të garoja. Unë e kam thënë tashmë se nuk e mendoja se do të isha atje dhe njerëzit mendonin se do të tërhiqesha pas Kupës së Botës së fundit, por është krejt e kundërta. Tani dua të jem atje më shumë se kurrë.”

Që nga titulli i tij botëror në vitin 2022, Messi, 36 vjeç, ka përsëritur gjithmonë se do ta merrte të ardhmen e tij me përzgjedhjen ditë pas dite në varësi të gjendjes së tij, pa planifikuar përpara. “Nuk po mendoj për Kupën e Botës dhe nuk po them 100% që nuk do të jem atje, sepse gjithçka mund të ndodhë”, përsëriti ai për “Star +”. 

Për shkak të moshës, gjëja më normale do të ishte që unë të mos isha atje. Më pas, do të shohim se sa larg mund të shkojë. Ndoshta do të bëjmë mirë në Copa America dhe gjithçka do të bashkohet për të vazhduar. Ndoshta jo. Duke qenë realist, do të jetë e vështirë,”- pranon ai. 

Përpara se të shtojë: “Pas kaq vitesh vuajtjesh, sot po përjetojmë një moment të veçantë që nuk e kam përjetuar kurrë dhe dua ta shfrytëzoj plotësisht, pa menduar për dy-tre vite gjë që, në futboll, është një kohë shumë e gjatë.”

B.T (Dosja.al)

Sondazh

Poll

MË SHUMË